Anno M°CC°XVI° indictione V. die XII. intrante Octobris Sibenici. Temporibus equidem domini Petri Ziani incliti Ducis Venetiarum, Dalmatie atque Croatie, et Venantii Arbensis Episcopi, et Marci Mastropetri Egregii Comitis. Ego namque Damaldus Spalatensis et Sibenicensis Comes pro me meisque hominibus de Sibenico, et Ego Marcus Mastropetro Arbensis Comes pro me et Communitate Arbensi universa, hoc instrumentum pacis et concordie perpetualiter habendum fieri jubemus, tali videlicet modo: Quod quidquid offensionis ex utraque hactenus extitit, ex toto penitus remittatur; preter quod homines de Sibenico vobis domino Marco Mastropetro et vestre Communitati Arbensi hinc ad festum Beatorum Apostolorum Petri et Pauli primitus venturum - - - - centum perperos aureos bonos justi ponderis pro damno ab ipsis vobis facto dare teneantur. Quos si in termino prescripto vobis soluere non curauerint etc.

(Farlati, Illyricum Sacrum V. köt. 239. l.)