In nomine Sancte Trinitatis et Indiuidue Unitatis. A. Dei gracia Hungarie, Dalmacie, Croacie, Rame, Gallicie, Lodomerieque Rex in perpetuum. Licet ad salutis et temporalis uite prouentum Regie plurimum expeditat Serenitati, uniuscuiusque seruiciorum merita recompensacionum gratitudine frequentare benigno, quo decet, fauore Magnatum, quorum uirtutibus pariter et consilijs Corone Regnique status fulcitur inconcusse, peticiones effectu digno manticipandas admittere. Hinc est utique, quod nos nostri fidelis Wruz jobagionis Sancti Regis de Zala seruicium nobis in aduentu nostre karissime coniugis Yoles fideliter inpensum cognoscentes, et opera probitatis, que in multis Regni negocijs excellenter tam in Regno quam extra Regnum, specialiter que iuxta castrum Boronch cum nobili apparatu militari exercuit, recolentes, peticione ipsius propria et digna, consensu Magnatum Regni nostri, ipsum cum tribus fratribus uterinis, Mogus, Cozma, Guepsa, et cum uniuersis heredibus ipsius et fratrum suorum habitis et habendis, a jobagionibus Sancti Regis de Castro Zaladiensi penitus exemptum, liberum et inmunem manere precipimus; Regia statuentes auctoritate, ut liceat amplius ipsi IIII cum fratribus nominatis, Tompsun, Edelin, Bacheu, Girgis iam natis, et inposterum nascituris, et cum predijs, Camar scilicet, Wirmile et Mura, terris pariter eorundem ad eos hereditario iure pertinentibus, aurea et perpetua perfrui libertate, et inter seruientes Regis annumerari perpetuo. Vt igitur huius rei series per omnia successorum nostrorum tempora salua semper et inconcussa permaneat, presentem concessimus paginam sigilli nostri munimine in perpetuum roboratam. Datum per manus Magistri Hugrini aule Regie Cancellarij anno ab Incarnacione Domini M°CC°XVII°. Venerabili Johanne Strigoniensi, Reuerendo Bertoldo Colocensi Archiepiscopis existentibus, Calano Quinqueecclesiensi, Desiderio Chenadiensi, Willelmo Ultrasiluano, Symone Varadiensi, Jacobo Vaciensi, Roberto Vesprimiensi, Petro Geuriensi, Stephano Zagrabiensi, Thoma Agriensi Episcopis Ecclesias feliciter gubernantibus; Jula Palatino, Bancone Bano, Dyonisio Magistro Tawarnicorum et Comite Noui Castri, Rophoyn Voyuoda, Ochuz Curiali Comite, et ceteris Comitibus Comitatus tenentibus, Regni nostri anno XIII°.

(IV. Béla királynak 1260-ki megerősítő privilegiumából, melyet IV. László király 1282. megerősített, s melyet 1348. »tercio die octauarum Beati Martini confessoris« a veszprémi káptalan átírt. Sok hibával kiadva Fejérnél Cod. Dipl. III. köt. 1. r. 197. l.)