In nomine Sancte Trinitatis et Indiuidue Unitatis. Andreas Dei gracia Hungarie, Dalmacie, Croacie, Rame, Sernie, Galicie, Lodomerieque Rex in perpetuum. Venerandi Regie stirpis successores tam diligentem in suorum antecessorum donationibus et institutis debent habere diligentiam, ut si quid ex hijs uel annosa temporum canitie, uel importuno malignantium impetu labefactari uiderint, non tantum in melius immutare, sed immutata studeant auctoritatis sue testimonio roborare. Cum itaque frater noster Emericus Rex inclite memorie medietatem tributi de Pesth Monasterio Tyburcij Comitis de Insula iure perpetuo contulisset, et nos postmodum idem tributum ad magnam insulam nostris deputassemus usibus, in eiusdem restauracionem plenariam LX marcas de salibus terrestribus annuatim in Polonia persolnendas memorato Monastario in perpetuum assignauimus. Verum quia rei geste memoria facili lapsu deperit; (ut) hec a nobis facta commutatio nostris nostrorumque successorum temporibus salua semper et inconcussa permaneat; presentem concessimus paginam sigilli nostri munimine inperpetuum roboratam. Datum per manus Magistri - - - - aule Cancellarij, anno Dominice Incarnationis millesimo CC°XVII°. Venerabili Johanne Strigoniensi, Reuerendo Bertoldo Colocensi Archiepiscopis existentibus; Calano Quinqueecclesiensem, Wilhelmo Transsiluanem, Roberto Wezprimiensem, Symone Waradiensem, Petro Geurgiensem, Desiderio Cenadiensem, Jacobo Vaciensem, Stephano Zograbiensem, Thoma Electo Agr(iensem Ecclesias) feliciter gubernantibus. Jvla Palatino, Bancone Bano, Dyonisio Magistro Tauarnicorum et Comite Noui Castri, Ochuz Curiali Comite, Raphain Voiauada, ceterisqne Comitibus Comitatus tenentibus, Regni nostri anno terciodecimo.

(Eredetie bőrhártyán, a kék-fejér selyemzsinóron függő pecsét elveszett; a budai kir. kamarai levéltárban.)