In nomine patris etc. Ego Magnus Jupanus Stephanus cum filiis meis iuro Comiti Ragusii Johanni Dandulo et toti Communi Ragusine Civitatis in Deo et in Beata Dei Genitrice etc., quod ero vester amicus et (vos) mei filii, donec mihi recti fueritis. Et si aliquis vester inimicus fugerit ad meam terram, ut dem eum vobis, si ceperit vobis aliquid molestare de terra mea. Et ut veniant vestri homines per meam terram cum mercimoniis sine ullo timore. Et ut non sit eis nulla fortia, set ut vendant et comparent libere. Et illud, quod est mercatorum consuetudo in terra mea, ut dent mihi. Et ut Sclavus non apprehendat Raguseum sine iudicio. Sed si facetum fuerit iniustum inter Civitatem Ragusii et terram meam, ponant se iudices, ubi est consuetudo, et iudicent; et ut non (fiant) presalia. Quod si contra hoc fecero, iudicet me Deus, et Sancta Dei Genitrix.

(Ljubics, Monum. sp. hist. Slav. Merid. I. köt. 31. l.)