Vniuersum Ecclesie Vesprimiensis Capitulum omnibus presens scriptum inspecturis salutem. Vniuersitati uestre elucescat, quod Michael filius Hoholt Comitis ex una parte, et fratres sui Acus et Nicholaus ex altera, licet etate minores, cum pristaldo suo, scilicet Bene filio Gregori de villa Ozeag ad nostram accedentes presenciam, dixerunt, se coram nobis et quam pluribus aliis talem inter se fecisse conuentionem, quod scilicet dicti pueri dimiserunt Michaeli predium, quod uulgo Zemena uocatur, cum omnibus pertinenciis suis; Michael autem e conuerso dimisit eis villam, que vulgo Forcosfolua uocatur; item villam Fulcusi; item Peleska; item Ozeag et Paka. Ne autem dicta conuencio per alicuius calumpriam inposterum posset irritari, utraque pars peciit ipsam sigilli nostri munimine roborari. Nos autem ad peticionis eorum instanciam ad eliminandum tocius questionis scrupulum dictam conuencionem litterarum presencium indicijs et sigillo nostro communiuimus. Datum per manus J. Vesprimiensis Lectoris, anno gracie M°CC°XX°II° in vigilia Omnium Sanctorum. Roberto Episcopo, Bartholomeo Preposito, Sa omone Cantore, Mathia Custode existentibus.

(Eredetie bőrhártyán, melyről a káptalan viaszba nyomott pecséte hártyazsinegen függ, a budai kir. kamarai levéltárban.)