In nomine Sancte Trinitatis et Indiuidue Unitatis. Andreas Dei gracia Hungarie, Dalmacie, Crohacie, Rame, Seruie, Galicie Lodomerieque Rex in perpetuum. Inmensa Regum dapsilitas (így), licet nullis dandi limitibus coarctari debeat; illos tamen ampliori gracia tenetur fouere et amplecti, qui loco et tempore sua fideliter impenderunt seruicia. Hinc est, quod ad uniuersorum noticiam presencium et posterorum uolumus peruenire, quod fideli nostro Sazlov propter indecidue fidelitatis obsequia, que nobis indesinenter ac indefesse exhibuit, maxime propter illa seruiciorum merita, que nobis in confinio Posoniensis Castri manifeste ostendit, cum ex nostro precepto contra Theotonicos, et similiter contra Bohemos indesinenter pugnauit, partem terre Tewel subiacentem tribus aratris, que terra Castro Posoniensi pertinebat, per Ivan fidelem nostrum filium Kenz Comitis, contulimus sibi et per cum suis heredibus et heredum successoribus iure perpetuo possidendam assignari (így) Prima meta terre illius incipit ab oriente de aqua, que Dudwag appellatur, et uadit uersus meridiem ad uillam Tewel; inde uadit ad uillam Apca; et inde uadit uersus occidentem ad uillam Fudemus; inde uadit ad septemtrionem ad uillam Seturtuc; et sic descendit ad metam priorem, ad aquam scilicet. Vt autem hec a nobis facta donacio nec nostris nec nostrorum successorum temporibus retractari ualeat, sed salua semper et inconcussa permaneat, presentem concessimus paginam sigilli nostri munimine in perpetuum roboratam. Datum per manus Cleti aule nostre Cancellarij et Agriensis Prepositi, anno Dominice Incarnacionis M°CC°XX°I°. (helyesebben 1223.). Vacante Ecclesia Strigoniensi, Reuerendo Vgrino Colocensi Archiepiscopo existente; Desiderio Chenadiensi, Roberto Wesprimiensi, Thoma Agriensi, Jacobo Vaciensi, Stephano Zagrabiensi, Bartholomeo Quinque-Ecclesiensi, Cosma Geuriensi, Alexandro Waradiensi (Episcopis) Ecclesias feliciter gubernantibus, Vltrasiluana Ecclesia uacante. Nycolao filio Borz Palatino et Comite Supruniensi, Ochuz Bano, Paulo filio Petri Woiavoda, Dionisio Magistro Thauarnicornm et Comite Bachiensi, Jula Maiore Curiali Comite Regiue et Comite Bu(d)rugiensi, Bancone Curiali Comite Regis et Comite Albensi, Demetrio Magistro Dapiferorum et Comite Woswariensi existentibus; Micha Bihoriensem, Smaragdo Posoniensem, Jula fratre Ratholth Musuniensem Comitatus tenentibus. Regni nostri decimo octauo anno.

(Eredetie bőrhártyán, melyről az egykor hátához sárga selyemzsinóron függött királyi pecsét elveszett, a budai kir. kamarai levéltárban.)