C(onradus) Portuensis Episcopus et in partibus illis (Galliae) Apostolice Sedis Legatus venerabilibus fratribus... Dei gratia Rothomagensi Archiepiscopo et eius Suffrageneis Episcopis salutem in Domino Jesu Christo. Dum pro sponsa veri Crucifixi vestrum cogimur implorare auxilium, potius compellimur lacerari singultibus et plorare. Ecce quod vidimus loquimur, et quod scimus testificamur. Ille homo perditus, qui extollitur super omne, quod colitur, aut dicitur Deus, jam habet perfidie sue preambulum heresiarcham, quem heretici Albigenses Papara suum appellant, habitantem in finibus Bulgarie, Croacie et Dalmacie, iuxta Hungarorum nationem. Ad eum confluunt heretici Albigenses, ut ad corum consulta respondeat. Etenim de Carasona oriundus, vices illius Antipape gerens Bartholomeus hereticorum Episcopus, funestam ei exhibendo reverentiam, sedem et locum concessit in villa, que Porlos appellatur, et se ipsum transtulit in partes Tolosanas etc. Iste Bartholomeus in litterarum suarum undique discurrenciam tenore, se in primo salutationis alloquio intuitulat in hunc modum: »Bartholomeus servus servorum sancte fidei tali salutem.« Ipse etiam inter alias enormitates creat Episcopos, et Ecclesias perfide ordinare contendit. Rogamus igitur attentius, et per aspersionem sanguinis Jesu Christi, et propensius obsecramus auctoritate domini Pape qua fungimur in hac parte districte precipientes, quatenus veniatis Senonis in octavis Apostolorum Petri et Pauli proxime futuris. Vbi et alii Prelati Francie favente Domino congregabuntur; parati consilium dare in negotio predicto, et cum aliis qui ibidem aderunt, providere super negotio Albigensi. Alioquin inobedientiam vestram domino Pape curabimus significari. Data Planium sexto nonas Julii (1223.).

(Matthaei Paris. Historia Angliae Maior ed. Watts Vilmos. London,
1684. 267. l.)