Ego J. Dei gracia Palatinus et Comes de Supprvn precipio vobis collectoribus cybrionum de Supprvn, quatenus super populos Ecclesie Montis Sancte Marie, uidelicet de Uilla Meynhart, Lahtay, Prehnye et de Uilla Michsa, collectam cybrionum, quos dominus Rex bone memorie Hemiricus ad peticionem domini Abbatis dicti Monasterij et fratrum suorum indulsit, quos eciam dominus Rex Andreas eisdem fratribus pro remedio anime fratris sui, uidelicet H. Regis, priuilegio suo in perpetuum possidendos confirmauit; exigere ne presumatis, nec pro eorum colleccione super populum iam dicte Ecclesie descendere audeatis. Quod si feceritis, sciatis, quod nostram iram grauissime incurretis, et nostram uoluntatem et graciam irrecuperabiliter offendetis; quoniam coram nobis iam dicti fratres per litteras domini Regis H. iusticiam eorum ostenderunt. Scientes eciam, quod iam sepe dictos cybriones eisdem fratribus idem Rex H. contulit, sigilli nostri munimine roborauimus. Datum anno ab Incarnacione Domini M°CC°XXIIII°.

(Eredetie bőrhártyán, melyről a pecsétnek töredéke hártyazsinegen függ, a budai kir. kamarai levéltárban. Sok hibával kiadva Fejérnél Cod. Dipl. III. k. 1. r. 459. l.)