(Honorius Episcopus servus servorum Dei stb. Ugrin kalocsai érsekhez.) Gratum gerimus et acceptum, quod Catholice fidei ductus amore ad profligandos hereticos de Bozna, Soy et Vssora, ubi tamquam lamie nudatis mammis publice catulos suos lactant, ad exhortationem bone memorie Aconcij Subdiaconi et Capellani nostri, Apostolice Sedis Legati, et aliorum bonorum virorum te viriliter accinxisti. Super quo sinceritatis tue zelum dignis in Domino laudibus commendantes, et favore debito prosequentes, fraternitatem tuam rogamus et monemus attentius, et per Apostolica scripta mandamus: quateuus de gratia nostra confisus, et auctoritate suffultus, prosequaris ex animo causam Christi, Catholice puritatis potenter persequens subversores; ita quod Deo ad gloriam, nobis ad gaudium, et tibi ad profectum proveniat salutarem. Ut autem iniunctum tibi negotium perfectuis exequi valeas, in partibus illis predices verbum Crucis, fideles contra infideles efficaciter exhortando etc. Datum Tibure idibus Maij, anno nono Pontificatus nostri.

(Farlati Illyricum Sacrum IV. köt. 48. l.)