Die tercio exeunte Octubris, indictioni XV. Ordinatum est per dominum Ducem et suum Consilium et stridatum super scalas Rivialti publice per Johannem Grossum, quod nullus homo Veneciarum nec Venetus neque forinsecus amodo in antea per se vel suum nuntium per aliquod ingenium audeat recipere in domo sua aliquem Ragusinum neque aliqua mercimonia hominum Ragusii, nisi in prima die vel secunda fecerit notum Vicedominis Veneciarum, sub pena librarum XXX et solidorum XII et duplum quantum solverit Ragusinus de racione mercimoniorum omnium, quorum simplum quantum solvisse deberet.

(Ljubics, Monum. sp. hist. Slav. Merid I. köt. 41. l.)