Nomine Domini invocato. Currente anno Domini MCCXXVII. Ego Magister Nicolaus, filius Petri de Ludbregh, volens et consulens saluti mee et proximorum meorum modis omnibus quibus possum povidere, inter cetera quandam possessionem meam empticiam Wrazilaz vocatam, in Districtu Zagrabienensi, de Comitatu Morocha constitutam, totaliter cum omnibus suis utilitatibus et pertinenciis, in Ecclesia Beati Regis Stephani, et in festo eiusdem, maioris misse officio existens, tempore offertorii ad aram Beati Regis Stephani, honorabilibus viris Capitulo Zagrabiensi obtuli et offero, donavi et dono, perpetuis temporibus per ipsum Capitulum cum suis metis et limitibus pleno jure possidendam, tenendam et habendam ita: quod semper per ipsum Capitulum in communi possideatur et teneatur. Quod si processu temporum dictum Capitulum voluerit forsitan ipsam possessionem alicui concedere more prediali, hoc eis liceat tali modo, quod ipsam possessionem predicto modo prediali possit habere non alter, quam aliquis de nostris heredibus; ut Castra nostra et nostrorum heredum de Zelna et Byztrycha cum suis pertinenciis non possint aliquo colore per detentores eiusdem possessionis in aliquo offendi vel turbari. In cuius donacionis perpetuam firmitatem presentibus sigillum nostrum fecimus appendi. Datum anno, die et loco supradictis.

(Tkalcsics, Monum. hist. Episc. Zagrab. I. köt. 57. l.)