Ego Neemilas Vicebanus et Comes Zagrabiensis, notum facio universis presentes literas inspecturis: quod cum venisset ad me quidam iobagio nomine Tersa, presentans mihi literas domini Regis C(olomani), ut preceptum adimplerem, veni ad terram de Zlatenich ad perambulandum eam, et redderem eam prefato Terse ad preceptum Regis. Monachi autem prohibuerunt mihi terram illam perambulare, dicentes, quod terra illa data esset Ecclesie de Toplica per privilegium Regis Andree. Cumque ego venissem ad monachos in Toplica, ostensum est mihi privilegium eorum, quo diligenter inspecto et perlecto coram domino Martino Corbaviensi Episcopo, et coram sex generacionibus inveni prefati terram Terse in privilegio monachorum scilicet Regis Andree. Affirmavit eciam dominus Martinus Corbaviensis Episcopus, quod terra Terse esset terra castrensium. Et cum haberem consilium cum iobagionibus terre, indicavi predictam terram servire monachis. Et ne de cetero possit fieri reclamatio vel querela s predicto Tersa pro prefata terra contra monachos, dedi pristaldos: unum terrigenam nomine Yarescelau et alterum Hungarum nomine Kessen. Et presentem paginam sigillo domini Martini Corbaviensis Episcopi et sigillo meo corrobo ravimus. Actum est hoc anno gracie MCCXXX.

(Tkalcsics, Monum. hist. Episc. Zagrab. I. köt. 67. l.)