In nomine Sancte Trinitatis et Indiuidue Vnitatis. Andreas Dei gracia Hungarie, Dalmacie, Croacie, Rame, Seruie, Gallicie, Lodomerieque Rex in perpetuum. Regie Sereditatis prouida circumspeccio sicut in conferendis beneficijs pro meritorum exigencia singulis se debet larga manu libenter exhibere: ita pariter ad collatorum conseruacionem tenetur sollicitudinis studio vigilare, et ut ea que contulit a suis possideantur fidelibus inconcussam eis tribuere debet firmitatem. Proinde tam presentis etatis quam future posteritatis noticie presencium auctoritate volumus fieri manifestum: guod cum recolende memorie Hemericus frater noster, Illustris Rex Hungarie, Thome Comiti in recompensacionem suorum fidelium seruiciorum, que sibi in expedicione quam habuit contra Bulgaros super fluuium Morowa laudabiliter exhibuit, siluam quandam nomine Keykus, que olim populorum, qui wlgo Keykusuend dicuntur, fuerat, per suum conclusisset (így) priuilegium, pristaldo suo Cristoforo rera de genere Cuplon existente; nec non cum dicto fratre nostro decesso; et suscepto a nobis, dante Domino, Regni gubernaculo, considerata predicti Thome Comitis fidelitate indecidua, qua idem excellenter clauit, missus a nobis pro primipulo in auxilium Regis Bohemie contra Imperatorem: quandam siluam nomine Fenteus, a Castro de Zothmar exceptam, cum terra ville custodis eiusdem silue, que est iuxta villam custodis silue nostre nomine Cherep, quo eciam nomine prefata villa nostra nuncupatur, per fidelem pristaldum nostrum Abraham filium Feliciani de Villa Mathei, et per nostrum priuilegium eidem Comiti Thome perpetuo possidendam olim contulissemus; postmodum dilectus noster primogenitus Bela Illustris Rex in discussione et reuocacione perpetuitatis ac superflue donacionis tam supradictam siluam nomine Keykus, quam siluam Fenteus, et terram custodis eiusdem silue a fidelibus nostris Sebus et Alexandro Comitibus filijs prefati Thome Comitis abstulit, priuilegia super ipsis confecta infringendo. Nos igitur predictorum fidelium nostrorum merita nolentes relinquere irremunerata, prefatas siluas Keykus et Fentus, et terram ville custodis eiusdem silue per fidelem pristaldum nostrum Hunt Comitem filium Alberti circuiri facientes, memoratis Sebus et Alexandro Comitibus auctoritate Regia restituere dignum duximus. Prima igitur meta silue Keykus, secundum assercionem prenominati pristaldi Hunt, incipit a parte orientali a monte, qui Guthonchousa dicitur, et vadit per berch ad plagam septemtrionalem in caput Maramors, ibi tenet metam cum Rege; hinc progreditur et circuit capita cuiusdam fluminis nomine Nogyzozor, et vadit per berch tenens metam cum Comite Myka cum silua Hygus nomine; inde procedit per berch ad plagam occidentalem, et circuit capita duorum riuulorum Mysuch nomine, procedensque per magnum spacium tenet metam cum genere Cuplon; inde eundo per magnam terram per berch in Bik peruenit ad locum qui Mogoslyget dicitur, ita vt Byk remanet dictis generibus Cuplon, Lyguet vero ad terram Keykus; inde eundo per berch in longum, et peracto berch descendit in nemus, et in loco vbi minor fluuius Mysuch deficit, cadit in aquam Zomus, et ibi terminatur. Item meta silue prefate nomine Fenteus contermina est predicte silue Keykus; ita ut per medium earum fluit quoddam flumen nomine Lapus, maiorque pars eiusdem silue iacet inter duos fluuios, scilicet Lapus et Zomus; aliqua uero pars sita est iuxta fluuium Zomus uersus siluam Erdeud. Cuius prima meta incipit a meta, vbi prefatus fluuius Mysuch cadit in aquam Zomus; descendensque per eandem aquam ad locum, qui Zokolmezee dicitur, qui pertinet memoratis generibus Cuplon, transit per semitam in nemore ad Bikopotoka, et a parte ville Romad tenet metam cum filijs Nyund de genere Drud; inde procedit sursum per dictum potok vsque viam que ducit ad Thoman; transiensque viam ad partem meridionalem procedit ad vnam viam per berch, que dicitur via Eur, et vadit ad Koaspotak; procedensque ad locum vbi due partes dicti potok coniunguntur, vadit ad Zekadat; et hinc progreditur ad locum qui Cuysmezed dicitur, et tenet metam cum Rege; deinde procedens per magnum nemus iuxta vnum locum, qui Nogmezeu dicitur, a parte superiori in aquam Zomus, unde dictus Nogmezeu potest videri, ibique disiunguntur de predicta silua Regis; hinc descendens per eandem aquam Zomus ad angulum quendam, et ibi transiens aquam, tenet metam cum silua Zylag, et vadit per nemus ad aquam que dicitur Monyoros, que eciam nuncupatur Fekete wyz; ibique exit de Monyoros, et de nemore progreditur per lyguet et per mochar ad montem Lycosholm iuxta aquam Berekzow, transytque aquam ad partem orientalem ad locum nomine Hyduspotok, quod quidam appellant Berkest, quod fluit in aquam Berekzo; procedensque per idem potok ad locum, ubi pons est et via silue Zylag, et in eadem via versus aquam Lapus a parte orientali progreditur, et ascendit parumper per berch, et vadit ad montem nomine Kekeluga, que est in eadem via, descendensque ad caput Ereusag nomine, vadit ad nemus Lapus subtus campum Cukynmezeu, et a parte inferiori cadit in aquam Lapus, descendensque per eandem aquam vsque 1ocum, ubi est locus domus et fossa magni Andree; et ibi transiens tendit ad predictam siluam Keykus; hinc procedendo parumper supra descendit in aquam que dicitur Keykuspotoka, a que silua Keykus nomen est sortita; hinc procedit superius per eandem aquam Keykus, vadit ad caput eiusdem, procedensque ad montem, vnde eadem aqua oritur, vadit per berch circuitque caput minoris Zozor, ibique disiungitur de silua Zylag, incipiensque tenere metam cum Rege, a capite aque nomine Cozu, hinc procedit ad locum supradictum, qui dicitur Butunhouosa, qui in capite Maramors et Cozu existit, vnde meta predicte silue fuit inchoata; qui locus separat ad plagam orientalem siluam Regis, ad partem vero occidentalem siluam predictorum Comitum Sebus et Alexandri, et sic terminatur. Preterea quasdam terras Alexandri Comitis a nobis dudum collatas, et quasdam empcionis titulo possessas in discussione perpetuitatis per primogenitum nostrum Belam Regem ablatas intuitu fidelitatis eiusdem A. Comitis dignum duximus sibi in perpetuum et suis heredibus restituendas. Quarum sunt nomina Cozma, Hablan, Cuhna, Bozyn, Myzlen. Item iste sunt empticia: Coturtukhel, et tota terra nomine Moluchka. Item iste sunt a nobis, sicut et relique, iam dudum collate: Colchona videlicet et Chokol, cum eiusdem metis et pertinencijs, quibus antea iuste possidebat. Vt igitur predictarum terrarum restitucio, non obstante quod tempore donacionis nostre concessa,(így) memoratus filius noster B. Rex infregit, salua semper et inconcussa permaneat, presentem concessimus paginam priuilegiantis sigilli nostri munimine in perpetuum roboratam. Datum per manus Mychaelis Magistri et Aule Regie Cancellarij anno Dominice Incarnacionis M°CC°XXXI°. Venerabili Roberto Strigoniensi Archyepiscopo existente, Vgulino Colocensi Archyepiscopo; Gregorio Gewriensi, Cleto Agriensi, Briccio Vaciensi, Bartholomeo Wesprimiensi, Stefano Zagrabiensi, Bartholomeo Quinqueecclesiensi, Reynaldo Transyluano, Bulchu Cenadiensi, Benedicto Varadiensi Episcopis Ecclesias Dei feliciter gubernantibus. Dionisio Comite Palatino, Benedicto Aule nostre Curiali Comite, Nicolao Magistro Tauarnicorum, Phila Magistro Dapiferorum, Mychaele Magistro Agazonum, Stefano Magistro Pincernarum, et alijs quam pluribus Comitatus et Magistratur tenentibus. Regni nostri anno vicesimo octauo.

(A győri káptalannak 1397. »octauo die festi Beati Martini confessoris« »Comes Temel et Petrus filij Petri, ac Thomas filius Johannis de Zenthgyurg; item Georgius et Nicolaus filij Nicolai de Bozyn« számára kiadatott átiratából; a budai kir. kamarai levéltárban.)