Anno Incarnationis Domini millesimo ducentesimo tricessimo primo, mensis Novembris quinto decimo die, in Civitate Ragusii, in Ordinata Curia cum sonitu campane. Coram presentia domini Johannis Danduli Militis, Ragusii Comitis, et coram vobis subscriptis testibus. Ego quidem Comes Helias, filius Grubesse quondam Comitis; conveni et concordavi me spontanea mea bona voluntate cum Commune Ragusii de omnibus causis meis, et proprium meorum hominum quas tulerunt in Corcira, ut amodo in antea Commune Ragusii tam a me quam a meis heredibus et a propriis meis hominibus permaneat quietum et sine querimonia in eternum. Et nos Communis Ragusii propter tuam bonitatem et amicitiam tibi, domine Comes Helia, et tuis heredibus et tuis propriis hominibus volumus, ut porte nostre civitatis sint aperte. De hoc antem sunt due carte similes, hec et alia; hec autem carta nullo testimonio rumpi possit. Hii sunt testes: Comes Dragannus de Almisio, et Borco Judex de Clissa, et Johannes Gundule, et Gervasius Marini, et Aadreas Dabrane, et Bubanna Petri Jurati Judices, et Petrus Ballislave, et Damianus Bocinde, et Thoma Pezane Consiliarii, et Petrus Zicla. Et ego presbiter Pascalis, et Communis Notarius Juratus, scriptor sum et testis.

(Eredetie bőrhártyán a bécsi császári titkos levéltárban.)