Nos Comes Nicolaus de Zeech Judex Curie Serenissimi Principis domini Lodouici Dei gracia Incliti Regis Hungarie stb. quod Gregorius dictus Woryu filius Petri de Meger personaliter iuxta continenciam priorum litterarum nostrarum prorogatoriarum in octauis festi Beati Georgij martisis ad nostram judiciariam veniendo presenciam contra religiosum virum dominum Seffridum Abbatem Sancti Martini de Sacro Monte Pannonie in figura nostri Judicij proposuit eo modo: quod ipse dominus Seffridus Abbas quandam particulam terre arabilis Saagteluk vocatam in Comitatu Jauriensi existentem inter villas Saag domine relicte quondam Magistri Deseu Rufi et Kysfolw vocatas Abbatis Sancti Martini de Sacro Monte Pannonia sitam et existentem, eidem per Regiam Maiestatem collatam occupando detineat, cuius occupacionis et detencionis racionem scire vellet ab eodem stb. Quibus auditis et perceptis Magister Stephanus Litteratus pro eodem domino Seffrido Abbate cum procuratorijs litteris eiusdem exurgendo respondit tali modo: quod ipsa particula terre, quam ipse Gregorius ab ipso domino Rege cum fratribus suis sub hoc nomine Saaghteluk nomine terre Regalis impetrasset, et suam fore diceret, non Saagteluk, sed Saagh vocaretur; et ipsa terra Saagh eidem Monasterio Sancti Martini de Sacro Monte Pannonie vigorosorum instrumentorum titulis ab antiquo pertinuisset, et nunce neret stb. Et ibidem ac in instanti in suorum verborum corroboracionem quasdam duas litteras priuilegiales, vnam Serinissimi Principis domini Andree Dei gracia olym Illustris Regis Hungarie felicis recordacionis anno Dominice Incarnacionis M°CC° tricesimo quarto, litteras Sanctissimi Patris domini Gregorij Pape Noni transcribentes atque Regiam liberalitatem confirmantes stb., nobis presentauit. In quarum vnius, scilicet ipsius domini Andree Regis littere priuilegialis continencia inter cetera quandam possessionem Saagh vocatam inter alias possessiones eidem Monasterio Sancti Martini concessione Pontificum, largicione Regum, et Principum oblacione pertinentes per ipsum dominum Gregorium Papam authoritate Sedis Apostolice, demum que per eundem dominum Andream Regem Regie liberalitatis potestate confirmatam et perpetuo stabilitam fuisse adinuenimus manifeste stb. Datum in Wissegrad vigesimo die

octauarum Beati Georgij martiris predictarum anno Domini millesimo CCC° quinquagesimo sexto.

(Eredetie bőrhártyán a pannonhalmi főapátság levéltárában.)