Andreas Dei gracia Rex Hungarie omnibus presentes litteras inspecturis salutem et omne bonum. Cum ordo racionis expostulet, et Regie dignitatis incumbat officio, congruas sibi subditorum exaudire postulaciones, et exauditas iuxta postulancium affectum effectui mancipare: omnium presencium ac futurorum noticie harum insinuacione volumus explicare, quod cum homines de villa Zelepchen, Mylos et Monch, Vizabor, Bod, Michael, Legk, Blasius, Theda, Dominicus et Andreas, a primis sue parentele lineis libertate nostrorum seruiencium feliciter gaudentes, ad nostram accessissent presenciam, nobis suam exposuerunt voluntatem; quod ipsorum plena esset voluntas et promptus afectus, voto pari cum omnibus suis heredibus, heredumque suorum successoribus, consorcio jobagionum Ecclesie nostre de Grana jungi, dignanter eorum officium exercendum. Vnde idem Nostre Maiestati humiliter suplicantes, a nobis vnanimiter postularunt, vt ipsorum voluntatem pariter et affectum iuxta peticionis sue formam ad desideratum duceremus effectum. Nos igitur eorum congruis postulacionibus fauore annuentes beniuole, auctoritate Regia duximus statuendum, et deliberacione prouida ordinandum: quod tam ipsi, quam ipsorum heredes, heredumque suorum successores illo libertatis muniantar titulo, quo ceteri jobagiones a pijssimis antecessoribus nostris Ecclesiarum officio deputati sunt benigne muniti. Verum tamen si contingeret eosdem successionibus heredum omnino carere; terra ipsorum nichilominus ad ius perpetuum Ecclesie prememorate deuoluatur. Metarum autem terre illorum assignaciones, sicut ab ore dilecti et fidelis nostri Comitis Alecsandri (így) didicimus, presentis scripti patrocinio censuimus annotandas. Prima itaque meta incipit ex parte ville Nyweg nominate iuxta quamdam multitudinem arborum, que wlgariter Moys Gaya nuncupatur; et iuxta eandem Moys Gaya tendens contiguant terre Guenden, vbi sunt monticuli metarum de terra factarum; inde vero vadit iuxta vnum erezthwen per longum, in termino cuius descendit ad quandam cauernam, que wlgo poklos uerem nominatur; deinde autem tendens in prato per nemus quoddam transit vltra fluuium Zytua supra terram arabilem; et inde transiens per medium arborum fructiferarum, vadit vsque fluuium Hecha; et transiens per eundem fluuium vadit ad campum iuxta terram memorati Genden in longum; inde vero ad vnum ereztuen; deinde descendit ad flumen Terenche, cuius fluminis medietas pertinet ad homines eorundem, altera vero medietas spectat ad ius ville Hymd; inde autem iuxta idem flumen tendit superius ad villam Ecclesie supradicte, que eciam Zelepchen vocitatur, et ibi terminatur. Vt igitar huius constitucionis ordinacionisque series, a nobis racionabiliter facta, inuiolabiliter inposterum obseruetur, et nostris seu nostrorum successorum temporibus a nullo vmquam hominum omnino queat infirmari, presenti eam paginam in argumentum veritatis et robor perpetue firmitatis conscripta fecimas annotari et duplicis sigilli nostri munimine roborari. Datum anno ab Incarnacione Domini millesimo ducentesimo tricesimo quarto.

(A zoborhegyi konventnek 1364-ki átiratából Knauz Nándor Magyar Sion II. köt. 376. l.)