Nos C(olomanus) Dei gracia Rex et Dux tocius Sclauonie. Notum facimus universis presens scriptum inspecturis, quod querela et discordia, que vertebatur inter Abbatem et Conventum Toplice ex una parte, et Rata et omnes filios suos, ita pacificata est: quod Rata cum tribus filiis s uis, videlicet Gamaticia, Martin et Isanj promiserunt sub sacramento, quod Domui Toplice et jobagionibus suis de cetero non nocerent, et quod Domui Toplice amodo essent fideles, et de omnibus retroactis querelis, tam de terris quam de rebus aliis pax omnino esset inter eos, nec aliquid possent invicem reppetere vel reclamare. Et Rata cum filiis suis tenetur reddere literas Bani, quas dicebant habere contra tres iobagiones, videlicet Custue, Wicol et Scelaue, nec aliquid amplius reclamabunt occasione huiusmodi facti contra ipsos vel contra aliquem ad Ecclesiam Toplice pertinentem. Et si forte inter Abbatem et Ratam et omnes filios suos, vel iobagiones utriusque partis aliquid occurreret vel reclamaretur, ipsi communi assensu tres bonos viros, videlicet Preceptorem Gorre, Comitem Rabonis et Judicem de Perna in arbitros elegerunt, quod inter ipsos iudicarent et corrigerent corrigenda. Et hec est forma pacis, que in Zagrabia facta est. De iniuriis sive furtis seu spoliacionibus, nec non et homicidiis vel aliis malis post suprascriptam pacem factam, omnia que aperta et cognita sunt ab utragne parte penitus reddantur, vel precium, et si qua sunt que non possint inter dictas duas partes sedari, per iudicium trium supradictorum virorum, penitus cessante contradiccione aliqna, secundum racionem iusticie finiantur. Qui autem a supradicta convencione resiliret, mihi solveret centum pensas. Actum anno Gracie MCCXXXIV. mense Septembri.

(Tkalcsics, Monum. hist. Episc. Zagrabiensis I. köt. 74. l.)