Gregorius Episcopus seruus seruorum Dei venerabilibus fratribus... Vesprimiensi et... Nitriensi Episcopis, et dilecto filio... Abbati de Pilis Cisterciensis Ordinis Vesprimiensis Diocesis salutem et Apostolicam benedictionem. Ex parte dilectorum filiorum... Abbatis et Conuentus Monasterij Sancti Martini fuit propositum coram nobis, quod cum ipsi Demetrium militem Vesprimiensis Diocesis super Monasterio Sancte Marie de monte Quizin cum pertinencijs suis ad ipsos spectante, quod idem D. detinet occupatum, post uarias commissiones ad diuersos Judices impetratas coram dilecto filio E. Subdiacono et Capellano nostro tunc in Vngaria existente auctoritate Apostolica traxissent in causam; idem Capellanus propter illius contumaciam excommunicauit eundem, et fecit excommunicatum publice nunciari, eamque per... Abbatem Sancti Gothardi et suos colleges mandauit usque ad condignam satisfactionem inuiolabiliter obseruari. Set dictus D. ea contempta in ipsa iam perstitit contumaciter per sex annos, prefatum monasterium per uiolentiam detinendo. Vnde ijdem Abbas et Conuentus nobis humiliter supplicarunt, ut congruum super hoc adhibere remedium dignaremur; cum crescente contumacia pena debeat augmentari. Quocirca Discretioni vestre per Apostolica scripta mandamus, quatinus si est ita, eandem sententiam diebus dominicis et festiuis solempniter publicantes, seruari eam usque ad satisfactionem congruam, sicut rationabiliter est prolata, sublato appellationis obstaculo faciatis; aduocato, si necesse fuerit, contra eum auxilio brachij - - - - secularis in hoc negotio processuri, quod predicti Abbas et Conuentus pro uersutia - - - - ad nos recitare non cogantur, et nos - - - - - commendari de diligentia quam de negligencia redarguere debeatis - - - - fuerant vocati, si se gratia odio uel timore subtraxerint, per censuram ecclesiasticam appellatione cessante cogatis u - - - - - perhibere. Quod si non omnes hijs exequendis poteritis interesse, duo vestrum - - - exequantur. Datum Perusij XIIII. kalendas Aprilis Pontificatus nostri anno octauo.

(Eredetie bőrhártyán a pápának lenzsinóron függő ólompecsétje alatt, a budai országos levéltárban.)