Gregorius Episcopus seruus seruorum Dei dilectis filijs... Priori de Sulio et... Archidiacono de Opel Wratislauiensis, et... - - Gueznensis Diocesis et Godfrido Canonico Wratislauiensi salutem et Apostolicam benedictionem, Venerabilis frater noster Cracouiensis Episcopus nobis exposuit conquerendo, quod Prepositus Ecclesie Sancti Martini Strigoniensis, et quidam alij Strigoniensis Diocesis super Ecclesia Sancte Marie, et quidusdam alijs Ecclesijs ad Ecclesiam suam pleno iure spectantibus decimis et rebus alijs iniuriantur eidem. Ideoque discretioni uestre per Apostolica scripta mandamus, quatenus partibus conuocatis audiatis causam, et appellatione remota fine debito terminetis; facientes; quod decreueritis per censuram ecclesiasticam firmiter obseruari. Testes autem, qui fuerint uocati, si se gratia, odio uel timore subtraxerint, per censuram eandem appellatione cessante cogetis ueritati testimonium perhibere. Quodsi non omnes hys exequendis potueritis interesse, duo uestram ea nihilominus exequantur. Datum Perusij VII. Idus Januarij, Pontificatus nostri anno octauo.

(Eredetie bőrhártyán pápai ólombulla alatt, a krakkói káptalan levéltárában.)