Nos Comes Stephanus Bubek Judex Curie Serenissimi Principis domini Lodouici Dei gracia Incliti Regis Hungarie stb. quod frater Paulus Ordinis Sancti Benedicti pro religioso viro domino fratre Seffrido Abbate Ecclesie Sancti Martini de Sacro Monte Pannonia stb. in octauis festi Beati Regis Stephani in anno proxime transacto preteritis in figura nostri Judicij comparendo contra Magistrum Hanchonem de Nezmil litteras Capitali Ecclesie Strigoniensis stb. asserens accionem predicti domini Abbatis litteris explicari in eisdem, nobis presentasset, inter cetera declarantes: quod cum ipsum Capitulum Strigoniense Regijs mandatis eis litteratorie iniunctis obedire cupiens, vna cum Magistro Stephano Prothonotario nostro, homine Regio ad infrascripta facienda specialiter transmisso, discretum virum Magistrum Gregorium socium et concanonicum eorum hominem ipsorum ad reambulandas metas possessionis Almas vocate in Comitatu Comaromiensi existentis transmisisset; tandem ijdem ad ipsum Capitulum reuersi stb. reculissent, quod cum ipsi feria sexta proxima post festum Beati Dominici confessoris proxime tunc preterito, presente Magistro Francisco physico et procuratore Regali in faciem possessionis Almas stb. accessissent, frater Paulus procurator domini Abbatis predicti eis quoddam registrum presentasset, quo quidem registro viso ipsi iuxta seriem eiusdem registri, et ostensionem fratris Pauli taliter processissent: quod primo iuxta Danubium, non longe a fine insule quatuor metas reperissent stb. premissa omnia metis memoratis inclusa, preter quandam terre particulam per Marcum officialem Hanchonis inhibitam cum dimidietate Danubij vsque Zichwatw nullo contradictore apparente annectendo statuissent et reliquissent possessioni Almas prenotate; qui quidem Magister Hancho centra predictum Abbatem ad octauas Beati Regis Stephani tunc venturi racionem contradiccionis sue redditurus indilate in Regiam Presenciam euocatus extitisset stb. Exhibiciones litterarum inter partes prenotatas iuxta continenciam aliarum litterarum nostrarum prorogatoriarum ad octauas festi Epiphanie Domine extiterant prorogate. Ipsis itaque octauis festi Epiphanie Domini adherentibus prefatus frater Paulus pro prescripto domino Seffrido Abbate Sancti Martini de Sacro Monte Pannonie stb. ab vna, item Petrus de Torna pro prescripto Magistro Hanchone de Nezmil stb. coram nobis constitutis; predictus frater Paulus quasdam litteras priuilegiales domini Bele Quarti, Secundi Andree Regis filij, olim Regis Hungarie sub anno Domini millesimo ducentesimo tricesimo sexto, sexto nonas Marcij confectas, tenorem litterarum priuilegialium Serenissimi Principis Sanctissimi Regis Ladislai sine anno emanatarum de verbo ad verbum transumtiue in se continentes et confirmantes nobis demonstrarat. In cuius quidem priuilegij Primi Regis Ladislai multa predia et alia iura dicti Monasterij declarantis tenore inter cetera hanc clausulam videramus contineri: »Vndecimum predium est quod vocatur Alma.« Mete autem dicti predij Almas in eodem priuilegio non continebantur stb. stb. Datum in Wissegrad vigesimo secundo die octauarum festi Beati Jacobi Apostoli anno Domini millesimo CCC°LX° quarto.

(Eredetie bőrhártyán, a pannonhalmi főapátság levéltárában. V. ö.
Okmánytárunk I. köt. 361. l. és VII. köt. 9. l.)