Anno Incarnacionis Domini millesimo ducentesimo tricessimo octavo, mensis Novembris vicessimo secundo die intrante. Ragusii in magno Consilio Ragusine Civitatis more solito per campanam congregato. In presentia domini Nycolay Tonisci, Comitis Ragusii. Isti nuncii Comitis Nycolay Dalmisii et aliorum Comitum et Communis Dalmisii, videlicet Judex Perinna, Beletinnus Velcannus Chranenic, qui pro se et pro predictis Comitibus Dalmisii, et nobilium et Communis Dalmisii, iuraverunt domino Comiti Ragusii et Communi Ragusine manutenere pacem et concordiam antiquam, quam olim habuimus, inviolabiliter reservari. Et qui Comites et Commune Dalmisii venient personaliter vel mittent competentes nuntios ad Stammum ad stranecum facturi rationem et a nobis recepturi quintodecimo die post primum festum Sancti Gregorii. Preterea Camitus sagittee Chudlennus, et nauclerii et alii meliores et plures de ipsa sagittea per graciam, qua nos Comes Ragusii et Commone Ragusii dimisimus eos, iuraverunt firmam pacem et concordiam manutenere omnibus hominibus Ragusii usque ad dictum stanecum. Et si dictum stanecum non fuerit, predicta pax in perpetuum sit firma. Et pars, que ad dictum stanecum non venerit, perdat quod habet ad querendum, et alia pars non perdat suam rationem. Hec autem carta nullo testimonio rumpi possit. Hii sunt testes: Binzola Bobatie, Grubessa Gundule, Gervasius Naymeri, Jurati Judices. Et ego Pascalis, et Communis Notarius Juratus, scriptor sum et testis.

(Eredetie bőrhártyán, a bécsi császári titkos levéltárban.)