Bela Dei gracia Hungarie Rex omnibus presentem paginam inspecturis salutem in domino Jesu Christo. Ut posterarum noticie liquido posset clarescere quod provide et attente ordinatur ab aliquo, presertim quociens negocium parcium de Regali consciencia sine debito terminatur, sollerter est provisum literarum patrocinio stabilire. Eapropter ad noticiam universorum volumus pervenire: quod accedens ad presenciam nostram dilectus nobis in Christo Johannes Abbas de Toplica humiliter nobis supplicavit et instanter: quod nos divisionem terre Castri de Guora inter ipsum ab una parte, et Glinenses ab altera factam per Comitem Marcum, filium Borochuni, destinatum ad hoc a dilecto et fideli nostro Dyonisio Bano, cui hoc idem spcialiter comiseramus exequendum, presentibus eciam fideli clerico nostro Magistro Nikolino ad hoc pro pristaldo per nos deputato, nec non homine Capituli Zagrabiensis et homine Preceptoris Templariorum de Goura, ac hominibus hospitum nostrorum de Perna et Petrina, et pluribus aliis fide dignis, ne ulterius per iam dictos Glinenses ipsius Ecclesia posset indebite molestari, favorabiliter acceptare et nostris literis dignaremur confirmare. Nos igitur precibus ipsius, que iusticiam et pietatem continere videbantur, clementer annuentes, seriem divisionis premisse, sicut in literis supradicti Comitis Marci sub proprio suo sigillo nobis porrectis vidimus contineri, ratam et acceptam habuimus ut decebat. Nomina autem possessionum, que ad Abbatis partem pertinent, in premissis expressa litteris sunt hec, videlicet: Crathka ultra Sawam, villa Schuchia citra Zawa, Lubugn, villa Terredych et locus ubi Lagna cadit in Zawa, tam citra quam Ultra; terra ville Brathkovychy citra Zawam et ultra, villa Rakolechiche, villa Trebochel, villa Pyschan, villa Heberkov, villa Peschena, villa Reth, que fuit terra Weden; villa Scerda super rivulum Scelna, villa Gregen, terra Sancte Crucis terra ubi Steuenicha cadit in Scelna, villa Welezna, villa Steuenicha, que est Borth; villa Dedech, villa Moznav, villa Bebrevnicha, villa Yelseunicha. Dividit autem ipsam partem Abbatis rivulus Gradiza eundo in Zawam, et Zawa usque dum derivatur in aquam (que) Chygovge dicitur, que transiens silvam Zava vadit per campum aquosum, que est campus Logna, et cadit in fluvium Logna. Nec tamen pretereundum est, quod rivulus Gradiza non a capite incipit esse meta, sed a loco, ubi rivulus Scopnik cadit in prenominatum rivulum Gradizam. Ut autem ordinacio predicte divisionis salva et inconcussa permaneat, presentibus eam litteris sub duplici nostro sigillo perpetuo confirmamus. Datum in Segust, anno Dominice Incarnationis MCC. quadragresimo secundo, Regni vero nostri anno octavo.

(Tkalcsics, Monum. hist. Episc. Zagrabiensis I. köt. 79. l.)