Bela Dei gratia Hungarie, Dalmatie, Chroatie, Rame, Seruie, Gallitie, Lodomerie, Cumanieque Rex universis Christi fidelibus presentium noticiam habituris, salutem in eo, qui est vera salus. Accedentes ad presentiam nostram fideles nostri, Fyle Prepositus Zagrabiensis; Magister Job Prepositus Bachiensis, Comes Capelle nostre et Canonicus Zagrabiensis; Zoym Prepositus Chazmensis, Petrus Cantor Archidiaconus Zagrabiensis, Michael Lector, et Ladislaus Decanus Zagrabiensis, Petrus Camaricensis et Petrus de Kemluk Archidiaconi, et alii de Capitulo Zagrabiensi, nomine ac vice Capituli, privilegium, tempore nostri Ducatus concessum et nostro ducali sigillo impressum, nobis exhibuerunt, quod vidimus et manu nostra tenuimus, ac invenimus nec in cera, nec in carta, nec in aliqua sui parte aliquatenus viciatum, quod verbo ad verbum presentibus inseri fecimus in hac forma:

In nomine stb. Bela Dei gracia Rex stb. (következik Béla akkor ifjabb királynak 1225-ki privilegiuma, mint fentebb 120. sz. a.)

Petentes humiliter et attente, quatenus dignaremur illud Regie auctoritatis insigniis confirmare. Nos igitur iustis petentium desideriis assensum facilem adhibentes, d privilegium auctoritate Regia confirmamus, statuentes, ut possessiones in eodem privilegio expresse, eadem gaudeant per omnia libertate, qua cetere possessiones eiusdem Ecclesie seu Capituli gaudere noscuntur. Ne igitur huius nostre confirmaciones series valeat processu temporum a quolibet infirmari, sed perseveret iure perpetuo illibata, presentes litteras dupplicis sigilli nostri munimine iussimus roborari. Datum in Zolum, anno Dominice Incarnacionis millesimo ducentesimo XLVII.; tercio idus Septembris, Regni autem nostri anno duodecimo.

(Tkalcsics, Monum. historica Episc. Zagrabiensis I. köt. 90. l.)