Nos Detricus Bubek de Pelseuch Regni Hungaria Palatinus stb. quod in Congregacione Generali Magnifici domini Nicolai de Gara, alias similiter Palatini et Judicis Comanorum per ipsum Vniuersitati Nobilium Zempliniensis et de Vngh Comitatuum feria secunda proxima ante festum Beati Regis Stephani in anno Domini M°CCC°LXXX°. primo prope ciuitatem Patak celebrata, Magistri Michael de Monak, Johannes filius Ladizlai, Georgius filius eiusdem, Ladizlaus filius Ladizlai, Johannes filius Symonis de eadem Monak personaliter de aliorum medio exurgendo, proposuit eo modo: quod Petrus filius Mathius, et Johannes filius Lukasij de Isyph, ac Jacobus filius Johannis de Banoch, nec non Petrus filius Ladizlai de Chele in nulla linea generacionis ipsis attinuissent, nec attinerent, et ex eo de possessione eorum Zerench vocata, ac jure patronatus Monasterij in cadem Zerench habiti nulla porcio eisdem deberet prouenire stb. (Ezen ügy a királyi curiához tétetvén által, »ad presentes octauas festi Epiphaniarum Domini« napoltatott el.) Tandem ipsis octauis festi Epiphaniarum Domini instantibus prefati Petrus filius Mathius et Nicholaus de Chele in nostram personaliter venientes presenciam, in declaracionem prescripte accionis eorum quasdam decem litteras nostro judicario examini curarunt demonstrare. Quarum prima videlicet Capituli Agriensis littera priuilegialis sub anno Domini millesimo ducentesimo quiuquagesimo secundo exorta decantabat, quod Stephanus de Berethe, Dominicus de Chele, Stanch de Isyph, Mogh de Lazon, Symon de Lwch, Radwan de Meggesze, et Symon filius Marcelli de Zada de genere Bogadradwan ex vna parte; ex altera vero Chyz de Morowa de eodem genere personaliter coram dicto Capitulo Agriensi constituti, dictum extitisset per eosdem, quod per arbitrium proborum virorum super morte Philke frarris Stephani antedicti in talem pacis deuenissent vnionem: quod idem Chiz quandam terram suam hereditariam Soskuth nuncupatam, et terram Merk vocatam, ac terram Keza, pro morte Philke dedisset Stephano et filijs suis iure perpetuo possidendam. Quam ordinacionem pacis omnes heredes ipsius pro satisfaccione acceptassent, et ipsum Chiz cum Gyapal fratre suo in alijs possessionibus suis videlicet in Kurthuelus, in Orod, in Rogolch et in Moroua nuncupatis idem Stephanus cum suis heredibus demisissent pacifice permanere. Insuper obligasset se idem Stephanus et heredes suos, vt contra dictum Chyz et heredes eiusdem racione mortis predicte vllo vnquam tempore questionem suscitare non possent aliqualem; et litteras, quas idem Stephanus et heredes sui contra ipsum Chyz super morte Phylke habuissent emanatas, demisissent habere nullas vires. Secunda namque ipsarum litterarum stb. Datum in Wyssegrad predicta quadragesimo die octauarum festi Epiphaniarum Domini anno eiusdem M°CCCC°.

(Eredetie bőrhártyán, a budai kir. kamarai levéltárban.)