Nos Bela Dei gracia Rex Hungarie significamus omnibus presencium inspecturis: quod terram Sancti Martini iuxta Waskam, quam Bartholomeus, quondam Quinqueecclesiensis Episcopus, nobis requisitis et ex nostra donacione obtinuerat et habebat, frater Rembaldus nostro consensu habito et de nostra licencia, cum nec aliter facere potuisset, venerabili patri Philippo, Zagrabiensi Episcopo, vendidit nomine Ecclesie sue perpetuo possidendam, et de nostra gracia permissione dictum Episcopum in corporalem possessionem empcionis titulo introduxit. Quare precipimus judicibus universis, quatenus dictum Episcopum pro eo, quod dictam terram emerit, cum nullo commetaneorum suorum indicare presumant, cum hoc fuerit ex nostra licencia et gracia speciali. Presertim cum longe ante propositum conferendi dictam terram habuissemus Episcopo memorato. Datum Jeurii feria VI. post festum Sancti Michaelis.

(Tkalcsis, Monum. hist. Episc. Zagrabiensis I. köt. 101. l.)