In nomine Domini Dei Eterni. Anno eiusdem Nativitatis MCCLIIII. indictione XII. die IIII. exeunte Aprilis, in civitate Tragurii in camera domini T. Episcopi de Tragurio, presentibus iis testibus, videlicet Desa clerico filio Dragogne de Tragurio, et Bogode clerico filio quondam Mice de Marcho eiusdem loci, et Johanne Bello qui fuit de Tarvisio, et aliis ibidem. Dominus T. Dei gracia Traguriensis Episcopus de voluntate et consensu sui Capituli, D. Archidiaconi, et G. Primicerii, et domini Dragi Canonici, et aliorum de suo Capitulo, suo et nomine Episcopatus et Archidiaconatus, de voluntate et consensu totius sui Capituli nomine can - - - - T - - - - - et Cap - - - fecerunt, creaverunt et constituerunt dominum Petrum Calzam Doctorem Legum de Tarvisio, et dominum Gausinam Primicerium Sancti Laurentii de Tragurio suos nuncios, sindicos, actores et procuratores ad protestandum, dicendum et appellandum, et appellationes faciendas ad dominum Papam, ne dominus R. Archiepiscopus Spalatensis de facto procedat ad electionem Episcopi vel confirmationem, si esset facta, in Sibinico, et ad protestandum, dicendum et opponendum, et excipiendum contra litteras impetratas ad dictum R. Archiepiscopum Spalatensem, si que littere essent super dicto facto impetrate; et ad faciendas protestationes et appellationes omnes, quas nomine dicti Episcopi - - - - - - canonice, et Capituli suo nomine et canonice facere posset; et ad omnia alia facienda, dicenda, protestanda, que ipsi principales facere, dicere, protestari possent; promittentes dictus Episcopus et Capitulum, quidquid dicti sindici, actores et procuratores fecerint, se firmum et ratum habituros, et non contravenire.

Ego Arnaldinus filius quondam Alberti Sartoris, Sacri Palatii Notarius interfui et scripsi.

(Farlati Illyricum Sacrum IV. köt. 345. l.)