Anno Incarnationis Domini millesimo CC.L.V. mense Junio XII. die astante Indictione XIII. Nos quidem - - - - Ecclesiae Sancti Tryphonis Capitulum in unum penitus congregatum de voluntate omnium nostrum sic de jure procuravimus ordinare, ut bigami, aut conjugati, vel de saeculi conditione ad sacrum ordinem non promoveantur, volentes in Ecclesia odia et scandala resecare, et secundum ecclesiastica jura vivere; et quicumque ipsorum ex parte supradictorum caussa rogationis advenerit, ipse a nostra congregatione segregetur, ac vinculo excommunicationis sit irretitus. Nullus autem saecularium Magistratus audeat suos in Ecclesia saeculares ducere sine audientia Episcopi et Capituli supradicti. Quod presens fieri fecimus per manus Diaconi Michae Communis Notarii.

(Farlati, Illyricum Sacrum VI. köt. 441. l.)