Nos Stephanus Banus tocius Sclaunonie et Capitaneus Stirie significamus tenore presencium vniuersis, quod quum inter fratrem Yordanem Domorum Milicie Templi per Vngariam et Schlauoniam Magistrum ex vna parte; et Wolk, Koyan filios Zibislai, Gregorium, Abrank, Mortum filios Welezlai, et Wolk filium Budurum, Saulum, Velimerum et Volkatam filios Chuduzlai ex altera; super terra que iacet vltra Cuppam, et eciam extra ipsam aquam Cupe a parte Zagrabie, sub illis metis et diuisis, que in litteris Capituli Zagrabiensis, sigillo ipsius Capituli et sigillo Guidonis Abbatis quondam de Toplica, nec non et sigillo Nemeri Comitis quondam Zagrabiensis sigillatis, secundum quod partes concordi voce retulerunt, plenius continentur, et eciam super terra que vocatur Noak, questio fuisset diucius ventillata: tendem Wolk et ceteri omnes prenotati, recognoscentes se contra Magistrum et Domum Templi iniustam mouisse suspicionem, dictas terras sub metis et diuisis pretactis Domui Templi reliquerunt iure perpetuo pacifice possidendas. Ita quod nec ipsi, nec eorum heredes heredumque successores repetendi terras predictas vel aliquam partem de iesdem haberent de cetero facultatem; omnibus eciam alijs questionibus seu litibus hactenus motis aut suscitatis contra Magistrum Templi per eosdem quacunque de causa finem perpetuum et silencium eternum posuerunt. Vt igitur rei huius sseries robur obtineat perpeture firmitatis, et nullo vnquam tempore possit vel debeat per quempiam in irritum reuocari; ad instanciam Wolk, Gregorij, et omnium pretactorum Domui Templi predicti contulimus litteras priuilegiales sigilli nostri munimine roboratas. Datum Zagrabie anno ab Incarnacione Domini M °C°L° octauo.

(Eredetie bőrhártyán, a függő pecsét elveszett; a budai kir. Kamarai levéltárban. Sok hibával kiadva Fejérnél Cod. Dipl. IV. köt. 2. rész 476. Lap.)