Capitulum Albensis Ecclesie vniuersis Christi fidelibus presentibus pariter et futuris presencium noticiam habituris salutem in eo qui salus est omnium. Ad uniuersitatis uestre noticiam tenore presencium uolumus peruenire: quod constituta coram nobis personaliter domina Rosa relicta Comitis Detmari de genere Borich Bani proposuit uiua uoce, quod demidiam partem predij sui Zopola, quod a Odola, Chalk et Borich filijs Borich, cognatis mariti sui Comitis Dethmari antedicti in concambium cuiusdam predij sui Golgoha sibi dicebat peruenisse, maiori filie sue nomine Mariane uxori Thome filij Chepani contulisset perpetuo possidendam; aliam dimidiam partem minori filie sue nomine Martine uxori Alexandri filij Petrus donasset tali modo, quod si dicta filia sua heredes habuerit, similiter perpetuo debeat possidere; si uero sine heredibus decesserit, extunc pro anima ipsius domine Rose et filie sue Martine antedicte Ecclesie, in cuius cymiterio sepulte fuerint, conferatur. Maior nichilominus filia sua supradicta liberam, si uoluerit, ab ipsa Ecciesia habebit redimendi facultatem. Item omnia mancipia sua, videlicet Bodus cum vxore, filijs et filiabus; Tolihna cum vxore, filijs et filiabus; Gurk cum vxore, filijs et filiabus; Bratizlou cum vxore, filijs et filiahus; Milbraht similiter cum vxore, filijs et filiabus; Liubizlou, cum vxore similiter, filijs et filiabus; item ancillas suas, scilicet Migla cum filijs et filiabus; item Jagoda, Milihna, Tupa et Pricha similiter cum filiabus suis, donasset antedictis. Tali tamen condicione interserta, quod si sepedicta minor filia sua sine liberis Deo vocante migrauerit, pars que ipsam de dictis mancipijs et ancillis contingit, in ius et proprietatem maioris filie sue Mariane nominate deuolui debeat pleno iure. Nec hoc pretermittimus, fructus predicti predij et seruicium antedictorum mancipiorum et ancillarum eadem domina Rosa percipiet temporibus sue vite; ipsa uero e medio feliciter sublata in ius et proprietatem filiarum suarum supradictarum deuoluentur modo et ordine suprascriptis. In cuius rei memoriam et perpetuam firmitatem ad peticionem ipsius domine Rose presentes litteras concessimus sigilli nostri muniminc roboratas, anno domini millesimo ducentesimo quinquagesimo octauo, quarto nonas Junij. Magistro Philippo Ecclesie nostre Electo aule Regie ViceCancellario, Gregorio Cantore, Feliciano Custode, Ambros Decano existentibus.

(Eredeti bőrhártyán, melyről a pecsét kék-sárga selyemzsinóron függ; a budai kir. kamarai levéltárnak Zágrábban lévő részében.)