Bela Dei gracia Hungarie, Dalmacie, Croacie, Rame, Seruie, Gallicie, Lodomerie Cumanieque Rex omnibus presentes inspecturis salutem in Domino. Ne rerum veritas gestarum erroribus occultetur, et ne noticiam presencium transcursu temporum absorbeat obliuio; Nostre Regie intererst sollicitudinis, vt ea, que nobis in figura Jidicij acti — — — untur, ad perpetuam rei memoriam scriptis authenticis commendemus. Proinde ad vniuersorum noticiam tenore pres ncium volumus peruenire, quod cum venerabilis pater Philippus Episcopus Zagrabiensis dilectus et fidelis noster super terra Sancti Martini condam Borych Bani a Paulo filio condam Borych Bani coram nobis tractus fuisset in causam, idem Paulus predictus terram utpote hereditariam sibi cum instancia restitui postulauit. — — — — et Episcopus predictam terram titulo empcionis dixit se habere et eciam possidere; et venditorem — — — — — — suum religiosum virum fratrem Remboldum Domorum Hospitalis Jerosolimitani per Hungariam et Sclauoniam tunc Mai orem Preceptorem nominauit, et litteris authentecis eiusdem fratris Remboldi super hoc confectis legitime comprobauit. Cupque super hoc in Nostre Maiestatis Presencia fuisset diucius litigatum; tandem dicto Zagrabiensi Episcopo et fratri Arnoldo Dom — — — — — Maiori Preceptori per Hungariam et Sclauoniam, qui eidem fratri Remboldo immediate successit ex vna parte, et Paulo prefato filio Borych Bani coram nobis constitutis ex altera, cum de meritis cause ipsius presentibus nostris Baronibus cognosceremus, in ipsa instancia Judicij predictus Paulus deprehensus est nostras Regias litteras falsa — — — isse. Cum igitur, et si aliquid iuris in predicta terra Sancti Martini prefatus Paulus haberet, propter vicium comperte falsitatis ipsa terra Sancti Martini, sicut et alia bona sua ad nostras manus essent merito deuolute, nos deliberato omnium Baronum nostrorum, qui tunc aderant, consilio, predictum Zagrabiensem Episcopum super ipsa terra Sancti Martini ab impeticione ipsius Pauli, et omnium qui nomine, iure seu occasione ipsius Pauli ipsum impeterent vel impetere possent, sentencialiter duximus absoluendum; adiudicantes eidem Episcopo per eandem sentenciam preditam terram Sancti Martini perpetuo et pacifice possidendam. In cuius rei firmitatem et robur presentes litteras nostras concessimus sigilli nostri munimine roboratas. Datum et actum Albe quinta feria post festum Sancti Michaelis anno Domini millesimo ducentesimo quinquagesimo nono.

(IV. László királynak 1275-ki megerősítő privilegiumából, a budai kir. kamarai levéltárnak Zágrábban lévő részében.)