Nos Nocolaus Konth Regni Hungarie Palatinus et Judex Comanorum stb. quod cum nos pro compescendis furibus, latronibus et quibusuis malefactoribus eradicandis, ac cunctis querulantibus iusticia impendenda, Vniuersitati Nobilium, aliorumque cuiusuis status et condicionis hominum Comitatus Zaladiensis secunda feria proxima ante festum Beati Jacobi Apostoli prope villam Mandhyda congregacionem celebrassemus generalem, ind eadem congregacione nostra Laurencius filius Petri de Boxa, et Johannes filius Nicolai filij Joanas frater eiusdem patruelis — — (Pacha nevű birtokra nézve) — — quam nunc Stephanus de Pacha indebite occupando conseruaret — — —; quasdam litteras priuilegiales domini Stephani olym Bele Regis primogeniti, Ducis Transsiluani et Styrie, ac domini Comanorum in anno Domini M °CC°LX° emanatas presentauit, inter cetera exprimentes, quod idem dominus Stephanus Dux Stephanum et Mark filios Ine jobagiones Castri Zaladiensis propter multiplicia seruiciorum merita eorundem in conspectu oculorum Sue Ducalis Maiestatis impensorum, cum Jona ac. Vydus, cognatis ac propinquis eorundem a jobagionatu Castri Zaladiensis simul cum terris suis, quas sine preiudicio iuris alieni possedissent, eximendo, in numerum et cetum nobilum seruiencium Regalium duxisset transferendos; committens, ut tam ipsi, quam eorum heredes, et heredum suorum successores ea gaudeant libertate, qua et ceteri Regni sui nobiles seruientes Regales dinoscerentur gratulari; terram eorum per Gothardum de Choby hominem suum sub testimonio Comitatus Zaladiensis ab aliorum terris metarum (igy) in eodem priuligeo expressarum distinccionibus separando stb. stb. Datum septimo die congregacionis predicte anno Domini millesimo tercentesimo quinquagesimo quarto.

(Eredetie bőrhártyán a budai kir. kamarai levéltárban.)