Alexander Episcopus servus servorum Dei dilecto filio ... Archidiacono Ecclesie Spalatensis salutem et Apostolicam benedictionem. Exposuit nobis venerabilis frater noster ... Episcopus Traguriensis, quod cum inter bone memorie ...Traguriensem Episcopum predecessorum suum ex parte una, et ... Archipresbyterum et clericos Castri de Sybinico Diocesis Traguriensis ex altera, super eo, quod sibi subjectionem, obedientiam et reverentiam ei debitas exhibere contra justitiam denegabant, et de decimis ac aliis juribus episcopalibus coram venerabili fratre nostro ... Archiepiscopo Jadrensi auctoritate Apostolica questio verteretur, idem Archiepiscopus cognitis causis, meritis et juribus ordine observato diffinitivam pro eodem Episcopo sententiam promulgavit, quam ipse Apostolico petiit munimine roborari. Ideoque discretioni tue per Apostolica scripta mandamus, quatenus sententiam ipsam, sicut est justa, auctoritate nostra facias appellatione remota firmiter observari. Datum Angnie XII. Kalendas Maii, Pontificatus nostri anno sexto.

(Farlati, Illyricum Sacrum IV. köt. 347. l.)