Capitulum Ecclesie Geuriensis omnibus Christi fidelibus presencium inspectoribus salutem in Domino. Nouerit Vniuersitas Uestra, quod Petrus, Stephanus et Jacobus filij Ilerus de villa Vodos, que Viccha nuncupatur, coram nobis constituti confessi sunt, se uendidisse de terra ipsorum hereditaria sita in eadem villa uiginti iugera, et eciam in empticia ibidem existente decem et septem iugera terre Bankoni filio Kovch fratri ipsorum pro tribus marcis argenti plene sibi coram nobis persolutis pleno iure perpetuo possidenda; assumentes, ut quicunque eumdem Bankonem vel filios suos pro ipsa terra inpeterent, ipsi Petrus, Stephanus et Jacobus eos deffendere et expedire tenebuntur proprijs laboribus et expensis. In cuius rei memoriam perpetuam ad peticionem parcium presentes dedimus litteras sigilli nostri munimine roboratas, anno Domini M °CC°LX° primo in octauis Natiuitatis Beati Johannis — — — Chepano Preposito, Jurkone Cantore, Hectore Custode existentibus.

A B C D

Hátul: Littera Bankonis de Wiccha.

(Eredetie bőrhártyán, melynek pecsétje elveszett, a budai kir. kamarai levéltárban.)