Stephaus Dei gracia junior Rex Hungarie, Dux Transiluanus, Dominus Cumanorum, omnibus Christi fidelibus presentem paginam inspecturis salutem in omnium saluatore. Quoniam cordi nobis est, finem litibus inponere, ne inmortales existant, et a laboribus et expensis nostros subditos releuare; ideo ad vniuersorum noticiam tam presencium quam futurorum tenore presencium uolumus peruenirre, quod totum processum cause seu litis coram carissimo patre nostro et domino B. illustri Rege Hungarie habite et diucius ventillate super terra Sueta, Prelaz et Lyponuk inter venerabilem patrem Job Episcopum Quinqueecclesiensem, et Petrum Comitem filium Elye Comitis, dilectos et fideles nostros ex vna parte, et Lucach filium Phylipi et fratres suos, nec non et filios Detrici Comitis, et ipsum Detricum Comitem ex altera, rectum, iustum et rite habitum per omnia reputantes, sentenciam eiusdem karissimi patris nostri super terra Sueta, Prelaz et Lyponuk latam pro domino Episcopo et Petro Comite iam prefatis, et publice promulgatam, ratam, firmam, equam et dignam, tamquam ab ore nostro proprio prolatam habuimus et habemus, et priuligeum eiusdem patris nostri processum dicte cause et seriem tocius negocij et sentenciam latam continens, ex certa sciencia et mandato dicti patris nostri confectum, dupplicisque sigilli sui munimine roboratum, validum, firmum et inuiolabile fore judicauimus, hauimus et habemus, atque statuimus perempniter in suo robore duraturum, Lucach et fratribus eiusdem, et filijs Detricy, et ipsi Detrico Comiti supradictis super terra Sueta, Perlaz et Lyponuk iam prefata perpetuum silencium inponendo. Item processum negocij siue litis super terra Rososna et Sumkuth coram eodem karissimo patre nostro diucius ventillate et habite inter venerabilem patrem Episcopum Quinqueeclesiensem et Zaah Comitem fratrem eiusdem de genere Zaah ex vna parte, et Derricum Comitem filium Mathei ex altera, rectum, iustum et rite habitum per omnia reputantes, sentenciam eiusdem karissimi patris nostri super prefatis latam pro domino Episcopo et Zaah Comite fratre eiusdem iam prefatis et publice promulgatam, ratam, firmam, equam et dignam, tanquam ab ore nostro pro prio prolatam habuimus et habemus, et priulilegium eiusdem karissimi patris nostri, processum dicte cause, et seriem tocius negocij, et sentenciam latam continens, ex certa sciencia et mandato dicti patris nostri confectum, dupplicisque sui munimine roboratum, validum, firmum et inuiolabile fore iudicauimus, habuimus et habemus, atque statuimus in euum robore duraturum; Detrico iam dicto super ipsa terra Rososna et Sumkuth perpetuum silencium inponendo. In cuius rei testimonium et eternam memoriam ad iustam et dignam peticionem dicti venerabilis patris et Petri Comitis presens priuilegium dedimus inpressione nostri sigilli dipplicis consignatum. Datum per manus Magistri Benedicti Prepositi Orodiensis aule nostre Vice Cancellarij dilecti et fidelis nostri, anno Domini M° ducentesimo sexagesimo secundo.

(Robert Károly királynak 1334-ki átiratából, a budai kir. kamarai levéltárban.)