Anno Domini millesimo ducentesimo sexagesimo secundo, mensis Septembris die secundo exeunte, indictione sexta, tempore Comiti Radosio in Almisio hoc actum est coram his testibus, quorum nomina inferius leguntur. Qui nos Comes Rados et Comes Jurra cum nostris propinquis et cum totam Comunitatem nostre Civitatis testificantes testificamus, venisse ad nostram presentiam nuntios Ragusienses cum literis nobili viro domino Phylipo Contarini Comiti Ragusiensis et Judicibus et toto Comunitai eiusdem Terre, qui composuerunt firmam pacem nobiscum et cum hominibus terre nostre pro homicidio in Ragusio perpetrato, videlicet duorum hominum, et tercio semivivo, in hunc modum fecerunt ete. (Statuitur, ut Ragusium solvat pro primo libras 160 denariorum parvorum Venetorum, pro secundo 150, et pro tercio 45 in die festo Sancti Michaelis, aliter duplum. Rados et parentes occisorum iuramento se obstringunt, ullam aliam satisfactionen unquam petituros pro ista re, et testificant, quod supra nominatam summam a Ragusiensibus de facto et ex toto acceperint. Ego Iupanus Petrus, Civis Almisiensis, carente Notario rogatus ab utraque parte scriptor sum et testis.

(Ljubics, Monum. spect. hist. Slav. Merid. I. köt. 99. l.)