Amicis suis Reuerendis Conuentui Ecclesie Zaladiensis Comes Jacobus de Scepus Judex Curie domini Lodouici D. gr. Regis Hungarie stb. Noueritis, quod Nicolaus filius Petri pro Nicolao filio Johannis filij Laurencij de Kanisa stb. contra Gyurke filium Demetrij de Ond, et Nicolaum filium Michaelis, ac Jacobum filium Bekus de Reche quadam litteras Capituli Ecclesie Jauriensis formam possessionarie reambulacionis, contradictorieque inhibitionis et citationis exprimentes stb. nobis presentarat declarantes inter cetera, quod cum predictus Nicolaus filius Johannis acceptis Ladislao filio Mathie Regio, et Magistro Georgio Canonico ipsius Capituli Jauriensis hominibus feria quarta proxima post quindenas festi Pasche Domini proxime preteriti ad facies possessionum Belye et Varo vocatarum in Comitatu Zaladiensi apud manus suas habitarum stb. accedendo, easdem per veras suas metas et antiquas reambulando, nouas iuxta veteres erigere voluisset; ibi Briccius sacerdos in persona dicti Gyurke filij Demetrij a parte possessionis Ond; item Johannes filius Petri jobagio Jacobi filij Bekus, et Nicolaus filius Michaelis de Reche in personis eorundem a parte possessionis Reche ab ereccione metarum predicte possessionis Varo prohibuissent stb. (az ekkép keletkezett per, többszöri elhalasztás után »in octauis diei Cinerum« tárgyaltatván) annotatus Nicolaus filius Petri pro prefato Nicolao filio Johannis stb. quasdam litteras domini Bele olim Regis Hungarie priuilegiales anno Domini millesimo ducentesimo sexagesimo tercio Regni autem sui vigesimo octauo emanatas nobis presentauit, declarantes inter cetera: quod idem dominus Bela Rex terram Zemere, Gubas, Bench et Myka de Kamar ab eisdem recipiendo, hospitibus suis de Kamar fecisset assignari; ijdem autem ad eiusdem domini Bele Regis accedentes presenciam in concambium dicte terre ipsorum quandam terram Castri Zaladiensis Bilye vocatam ab eodem domino Bela Rege sibi dari peciissent. Et quia de quanitate dicte terre Bilye domino Bele Regi veritas non constitisset; ideo dilecto sibi Magistro Feliciano Custodi Albensis Ecclesie litteris suis mediantibus dedisset in mandatis, vt eandem terram Bilye et terram Varou inspiceret, et qualitate, ac quantitatem earundem postmodum sibi remandaret. Idem itaque Magister Felicianus ad easdem terras accedendo ipsas circacircum duodecim aratrorum mediante consideracione inspexisset; ipse vero dominus Bela Rex precibus eorum inclinatus dictam terram Bilye cum terra Varou in premissa quantitate prenominatis Zemere, Gubas et alijs predictis, ac eorum heredibus in concambium dicte terre ipsorum dedisset perpetuo possidendam. Mete autem earundem terrarum in eodem priuilegio seriatim continentur stb. Datum in Vyssegrad decimo die termini prenotati anno Domini millesimo trecentesimo septuagesimo quinto.

(Eredetie a budai kir. kamarai levéltárban. V. ö. Fejér Cod. Dip. VII. köt. 1. r. 322. 1.)