Universis has literas inspecturis, Mychael Comes de Sana subscripte veritati fidem adhibere. Noverint universi, quod nos de mandato et precepto excellentissimi domini nostri Regis Vngarie, medietatem terre de Krala cum suis pertinenciis omnibus, sicut eam Pribislaus Comes tenuit in vita sua et possedit, domino Abbati de Toplica per fratrem Desiderium monachum suum, qui cum litteris et precepto venit ad nos ex parte domini Regis, assignavimus in presencia domini Episopi Ladislai eo iure et ea libertate, qua dictus Pribislaus eam tenuit, perpetuo possidendam, et ibidem pro vountate sua grangiam edificandam. In cuius rei testimonium presentem paginam sigilli nostri munimine roboratam dicto Abbati contulimus. Datum anno Domini MCC. sexagesimo quarto, idus Marcii in Insula. Pristaldus noster Jacobus Comes noster Curialis de Bichich.

(Tkalcsics, Monum. Hist. Episc. Zagrabiensis I. köt. 128. 1.)