Stephanus Dei gracia iunior Rex Vngarie, Dux Transiluanus et Dominus Cumanorum omnibus Christi fidelibus presens scriptum inspecturis salutem in omnium saluatore. Regie libertatis inmensitas recto pensans libramine merita subditorum, dum bene meritos dextre sue munifice consolatorijs confouet donatiuis, fidem et deuocionem insignibus quibusdam cumulis adauget, et ad pociora seruiciorum studia mentes incitat eorundem. Ad uniuersorum igitur noticiam tenore presencium uolumus peruenire: quod attendentes eximie fidelitatis obsequia, que nobis Stephanus filius quondam Magistri Dominici Magister Agasonum domine Regine iunioris karissime consortis nostre in pluribus articulis nobis et Regno nostro necessariis exhibuit indefesse, uarijs et arduis pro perscna nostra et Regno nostro fortune casibus se exponens; qui propter fidelitatem nobis obseruandam Magistratum Agasonum et comitatum Tauarnicorum domine Regine maioris, karissime matris nostre, quingentas marcas, quas ab eadem domina karissima matre nostra annuatim racione stipendij sui percipere debebat, et omnes possessiones suas quam plures, quas in terminis karissimi patris nostri habebat, relinquendo, nos fideliter est secutus, dampna eciam, vbi Chak Banus, dilectus et fidelis noster fuit captus, quam plurima pertulit et est passus; et omnia illa bene ascendunt ad summam tria millia marcarum, que idem pro nobis reliquit et amisit. Qui eciam declinantibus a nobis quam pluribus Baronibus nostris perfida preuaricacione et preuaricatrice perfidiea, non sine manifesto prodicionis vicio, in expedicione paulo ante habita contra karissimum patrem nostrum deserentibus castra nostra; cum feruore summe deuocionis et fidei inseparabiliter nostris adhesit obsequijs, paratus pro nobis bellicos, si oportuisset, perferre sudores, et dubia Martis subire certamina; et postea inimicicias perpetuas tocius generacionis Aba optinuit et incurrit, pro eo videlicet, quod propter fidelitatem nobis obseruandam Ladizlaum filium Wata de genera Aba, nostrum et Regni nostri infidelem captiuauit, et captum nobis duxit, qui propter suam infidelitatem, sicut diximus, fuit decollatus. Nos in aliqualem recompensacionem seruiciorum suorum, licet longe suis inferiorem meritis, castrum Agas, quod propter infidelitatem et infidelem negligenciam venerabilis patris Job Episcopi Quinqueecclesiensis captum in enorme et grauissimum nostrum et Regni nostri dispendium et amissum, et per nostram diligenciam non sine sumptuosis laboribus recuparatum, ad nostram collacionem extitit deuolutum, cum tribus villis Kuthassov, Barkan et Tor uocatis, et cum omnibus suis utilitatibus et pertinencijs suis, eidem Magistro Stephano, et per eum suis heredibus heredumque successoribus perpetualiter duximus conferendum. Quarum quidem terrarum mete, sicut per litteras Capituli Agriensis nobis constitit euidenter, hoc ordine distinguntur: Incipit prima meta Kuthasov vocate ex parte orientali super metam lapideam leanhatar vocatam, et ibi distingitur de terra Natosd, et incipit conterminari ex parte australi cum terra Told, que est Benedicti Purwys; et inde tendens uenit ad occidentalem partem, ubi sunt due mete terree, quarum una est antiqua, et alia noua sub silice; pos hec ascendit ad cacumen montis, ubi sunt due mete, una lapidea et alia de slilice; deinde descendit et duas metas, que sunt sub duabus silicibus; hinc descendens per latus montis peruenit ad duas metas, que sunt sub silicibus; deinde uenit ad tres metas, quarum una noua; post hec uertitur per angulum, et uenit ad quandam nouam metam; deinde transit per quasdam antiquas metas, et uenit ad Toldpotoka ad tres antiquas metas iuxta potok existentes, et ibi descendit et distingitur per ipsum potok, habet autem unam metam ex parte terre Kuthasov, et aliam ex opposito in terra Benedicti, et sic descendit ad metam que est iuxte viam; et ibi transit potok, et ascendit ad Scentiwan Berecha, et ibi sunt due mete terree; deinde ueritur uersus australem iens directe in ipso Blyut per spacium non modicum, et uenit ad duas metas terreas; hinc uenit per quasdam metas in siluis existentes, et transit quandam viam, et ibi sunt due mete, quarum una est sub silice; deinde uenit per siluam ad Sornayhygy, et ibi sunt due mete, et in fine montis subtus duas quercus, et ibi distingitur a terra Told, et conterminatur cum terra Stephani Comitis filij Martini Comitis, Chipeg uocata; deinde venit ad terram Iwanch vsque ad potok, qui est prope Benkeerestewene; inde uenit super byrch, ubi sunt quator mete sub silicibus; deinde uenit ad quatuor metas que sunt sub silice et quercu; postmodum transit uiam que uadit ad villam Bukut et Curasov, et ibi sunt quatuor mete; deinde conterminatur cum Stephano de eadem Bukut; deinde vertitur super Galambuk Berchy; inde descendit ad vallem Olynpotok; hinc tendit ad Reketerew, et ibi distingitur a terra predicti Stephani, et incipit conterminari cum terra Johannis filij Chak; distingitur autem ibi per montem, qui vocatur warerdev, et sic directe redit ad Toldpotoka ad primam metam. Incipit prima meta terre Barkan ex parte meridionali iuxta uiam super byrch Saturhygy, et ibi distingitur a terra Jobag filij Jurge, per Saturhygy uenit usque ad Borsodpotoka, et ibi habet metas antiquas; abhinc distingitur per eundem Borsodpotoka de terra Boda filij Pentyk, et ascendit per pratum vsque ad finem cuiusdam berch qui vocatur Buckulese; hinc per ipsum berch uenit uersus occidentem per antiquas metas usque ad metas, per quas distingitur a terra Itemery filij Jacov; deinde venit directe super Tochozo usque ad Telkusfev, ibi conterminatur cum terra Cristophori; per modicum hinc uenit ad metas terreas in eodem berch existentes conterminando cum terra Petri filij Elye, et ibi uertitur uersus meridiem, eundo secundum cursum pisius berch uenit ad metas antiquas, per quas distingitur de terra Petri jobagionis Castri; deinde ascendit ad montem Saturus, et ibi conterminatur cum terra Monasterij Grab per modicum; hinc uenit descendendo in ipso Saturus ad latus eiusdem Saturus ex parte terre Barkan, et per (metas) antiquas conterminatur terre Zeleus, redit ad metas priores. Incipit prima meta terre Tor ex parte meridionali, conterminatur cum terra Monasterij de Pastuh, et distingitur ab eadem super fonte Hoznus, et descendit in bona quantitate uersus occidentem; hinc transit super unum pratum ipsum Hoznus versus australem partem, et ibi est meta; dehinc uenit ad duas metas, in quibus sunt una radix de piro et alia de pomo; hinc uenit ad Buzoukfev, et ibi sunt due mete; hinc descendit terminando per ipsum Buzoukfev ad magnam stratam, que uadit Budam, et ibi est meta; post hec ascenditur ad Zagywa, et ibi iuxta ripam est meta subtus pomum Lusaad; ibi transit Zagywa, parum inferius sunt due mete; deinde uenit ad Baluankewe, et ibi sunt quatuor mete; hinc ascendit per latus cuiusdam uallis per metas usque byrch Zeuleus, et ibi conterminatur cum terra Zeuleus; hinc uenit ad Huzzyozov conterminaudo cum Jobag; post hec uenit ad Ereztewenwys, et ibi sunt quatuor mete; deinde transit Borsodpotoka, uenit ad viam vbi sunt quatuor mete; hinc ascendit Zarozozou, transit berch, et uenit ad fundum Coryluspotoka usque uallem Solumus potoka, et ibi conterminatur cum Vereb, et postmodum directe uenit ad Zogywa, et ibi in loco Kuveys uocato transit conterminando cum Botyz Comite; et hinc uadit per uallem que dicitur Worreozowelgh, transit monticulum, uenit ad Geudenporloga ex parte occidentali, et iungitur ad Matra uersus castrum Agas, et sie terminatur. Item patronatum Monasterij de Pastuh ad nos similiter pertinentem eidem Magistro Stephano et suis heredibus contulimus pleno iure. Vt igitur nostre collacionis seu donacionis series robur obtineat perpetue firmitatis, nec in aliquo cursu temporum per quempiam possit retractari uel in irritum reuocari, presentes litteras concessimus duplicis sigilli nostri munimine roboratas. Datum per manus Magistri Lodomerii aule nostre ViceCancellarij dilecti et fidelis nostri anno Domini millesimo ducentesimo LX° quinto.

(V. István már királynak 1270-ki megerősítő privilegiumából, a budai kir. kamarai levéltárban. Sok hibával kiadva Fejérnél Cod. Dip. IV. köt. 3. r. 289. 1.)