Stephauus Dei gracia Hungarie, Dalmacie, Croacie, Rame, Seruie, Gallicie, Lodomerie, Cumanie, Bulgarieque Rex omnibus Christi fidelibus presens scriptum inspecturis salutem in salutis largitore. Ad vniuersorum noticiam tam presencium quam posterorum harum serie volumus peruenire; quod cum dilectus et fidelis noster Reynoldus Magister Dapiferorum Ducis Ladizlay karissimi filij nostri, Comes Agasonum nostrorum, et de Zabolch, a primeuis sue et nostre puericie temporibus, et specialiter ab eo tempore, quo Ducatum Styrie tenebamus, tam in Teotonia, Karinthya et Bohemia, quam eciam in alijs omnibus expedicionibus nostris, quas secundum mutabilitatem temporum et negociorum karissimi patris nostri inclite recordacionis, et nostrorum qualitatem habere nos oportuit, fidele semper et laudabile seruicium impendendo, se nostris beneplacitis et Regni vtilitatibus commendabilem adeo studuerit exhibere, vt coram nostre Maiestatis oculis propter meritoria sua seruicia non inmerito placidus haberi debuit et acceptus; que licet per singula longum esset enarrare, quedam tamen specialiora presentibus duximus inserenda. Uerum cum olim superstite adhuc predicto karissimo patre nostro Ducatum Transsiluanum teneremus, idem Magister Reynoldus cum honesta et armata familia in exercitu nostro, quem in Greciam simul cum alijs Baronibus nostris miseramus, coram omnibus in ipso insultu seu deuastacione Regni Grecie claruit tamquam miles strenuus. Exinde successibus prosperis redeundo, postmodum eciam quinque vicibus, de Bulgaria scilicet bis cum nostra persona, et ter cum alijs Baronibus nostris per nos in Bulgariam cum exercitu destinatis, dictus Magister Reynoldus 13uictoriosus laudabilem triumphum, se et suos diversis fortune casibus exponere non formidans reportauit. Demum cum adhuc eundem tenentibus nobis Ducatum Transsiluanum graues persecuciones parentum nostrorum, licet extra meritum perpessi fuissemus, idem Magister Reynoldus inconcusse fidelitatus feruore perseuerans, nobiscum semper affuit et astitit fidelissimum famulatum exercendo. Et cum in ipsa eadem persecucione debellatis et captiuatis per nos quibusdam Baronibus eorundem parentum nostrorum, uidelicet Laurencio Palatino et Ernerio Bano, cum toto auxilio nostro super reliquum exercitum dictorum parentum nostrorum in locum qui Ilsazeg dicitur versus Danubium venissemus, ibi aciebus hincinde astantibus et inuicem concurrentibus idem Magister Reynoldus nobis cernentibus ante alios Herricum Banum, Principem illius exercitus, lancea deiectum captiuauit; vbi in sinistro oculo dictus Magister Reynoldus extitit crudeliter wlneratus; alia eciam fidelitatis opera plurima in eodem conflictu exercuit vtiliter dimicando. Qvi licet post tot seruiciorum merita maiora seu ampliora debuisset promereri, in reconpensacionem tamen aliqualem seruiciorum suorum volentes eidem de munificencia Regia occurrere debito cum fauore, quasdam terras Ruzgun, Baasfelde et Lopuspotok vocatas in Comitatu de Aba Uyuar existentes cum omnibus pertinencijs et vtilitatibus suis; item terras Tuser et Budunfelde uocatas in Comitatu de Zabolch existentes cum omnibus vitilitatibus et pertinencijs ac appendicijs suis; item quandam posessionem Chychywa vocatam in Comitatu de Zemlen sitam in confinio Polonie, cum villis ad ipsam pertinentibus, Hussceumezen et Wysno vocatis, simulcum utilitatibus et pertinencijs earundem, prout Dux Ratizlaus habuit et possedit, eidem Magistro Reynoldo contulimus, dedimus et donanimus; ymmo collacionem sibi dudum cum nostro priuilegio factam innouamus et pariter confirmamus. Contulimus insuper eidem et conferimus quandam terram Zelench uocatam in dicto Comitatu de Aba Vywar existentem, que condam apud Mykocham fuerat, et ab eodem propter varia et diuersa nocumenta ipsius Mykoche ad nostras manus fuerat deuoluta; item dedimus eidem quandam particulam terre Woyk et Tyburcij Zokola 14uocatam cum seruis et ancillis eorundem ad manus nostra s deuolutam; qui similiter maleficijs, furto scilicet, et latrocinijs, ad alijs pluribus notorijs nocumentis perpetratis, aufugerunt suas personas absentando; exepta percione Thybe fratris eorundem Woyk et Tyburcij, qui eciam postmodum eandem porcionem suam, ipsum in dicta terra Zokola iure hereditario contingentem pro eo, quod seruos et ancillas predictorum fratrum suorum ab ipso Magistro Reynoldo ad se redimere ualeat et habere, in redempcionem seu concambium eorundem seruorum et ancillarum dedit et tradidit eidem Magistro Reynoldo perpetuo possidendam. Vt igitur hee nostre collaciones iuste et racionabiliter facte robur optineant perpetue firmitatis, nec imposterum ualeant per quempiam in irritum reuocari, presentes eidem concessimus litteras dupplicis sigilli nostri munimine roboratas. Datum per manus Magistri Benedicti Orodiensis Ecclesie Prepositi aule nostre ViceCancellarij dilecti et fidelis nostri anno ab Incarnacione Domini millesimo ducentesimo septuagesimo.

(Eredetie bőrhártyán, melyről a zöld-barna selyemzsinóron függött pecsét elveszett; a budai királyi kamarai levéltárban. Töredékét közli Fejér Cod. Dipl. V. köt. 1 r. 54. l.)