(S)tephanus Dei gracia Hungarie, Dalmacie, Croacie, Rame, Seruie, Gallicie, Lodomerie, Cumanie Bulgarieque Rex vniuersis Christi fidelibus presentem paginam inspecturis salutem in eo qui cunctis dat salutem. Ad vniuersorum tam presencium quam futurorum noticiam harum serie volumus peruenire, quod Comes Stephanus de genere Kata officialis domine Elisabeth karissime filie nostre aliarumque sororum de Insula Beate Marie Virginis Gloriose nobis in Christo karissimarum, exhibuit nobis priuilegium domini Bele incliti Regis Hungarie patris nostri karissimi felicissime recordacionis, petens instanter verbo eorundem, ut idem ratum habere dignaremur, et nostro priuilegio confirmare. Cuius quidem priuilegij tenor talis est:

Bela Dei gracia Hungarie stb. Rex stb. (következik IV. Béla királynak 1261-ki Tönyére vonatkozó adománylevele, mint Okmánytárunk XI. vagyis a harmadik folyam I. kötetében 503. l.)

Nos igitur iustis precibus ipsius domine Elisabeth karissime filie nostre et aliarum sororum iam dictarum per dictum Comitem Stephanum nobis porrectas condescendentes Regio cum fauore; dictum priuilegium de verbo ad verbum presentibus inseri facientes, apposicione dupplicis sigilli nostri fecimus communiri. Datum per manus Magistri Benedicti Prepositi Orodiensis Ecclesie aule nostre Vice-Cancellarij dilecti et fidelis nostri, anno Dominice Incarnacionis millesimo ducentesimo septuagesimo, Regni autem nostri anno primo.

(Eredetie bőrhártyán, melyről a király kettős pecsétjének töredéke zöld selyemzsinóron függ; a budai kir. kamarai levéltárban.)