(S)tephanus Dei gracia Hungarie, Dalmacie, Crouacie, Rame, Seruie, Gallicie, Lodomerie, Cumanie Bulgarieque Rex vniuersis Christi fidelibus presens scriptum inspecturis salutem in salutis largitore. Ad vniuersorum noticiam harum serie volumus peruenire, quod hospites de Beryn ad nostram accedentes presenciam exhibuerunt litteras patentes Ducis Bele tocius Sclauonie, Dalmacie et Crouacie, pie memorie fratris nostri karissimi, a nobis humiliter suplicando petentes, vt nos easdem litteras super ordinacione libertatis seu status eorundem nostro priuilegio dignaremur confirmare. Quarum quidem litterarum tenor talis est:

Bela Dei gracia tocius Sclauonie, Dalmacie, Crouacieque Dux stb. (Lásd Fejér Cod. Dipl. IV. köt. 3. r. 529. l.)

Bela Dei gracia Hungarie, Dalmacie stb. Rex stb. (lásd Fejér Cod. Dipl. IV. köt. 3. r. 201. l.)

30Nos itaque considerantes libertatem seu statum predictorum hospitum nostrorum de Beryn tam ex parte patris nostri, quam Ducis Bele fratris nostri predilecti rite et legitime prestitisse, concessisse siue (így), et ordinacionem eorundem ratam habentes et acceptam, ac priuilegium eorundem de uerbo ad uerbum presentibus inseri facientes, auctoritate presencium duximus confirmandum, duplicis sigilli nostri munimine roborando. Datum per manus Magistri Benedicti Prepositi Orodiensis aule nostre Vice Cancellarij dilecti et fidelis nostri, anno ab Incarnacione Domini millesimo ducentesimo septuagesimo, Regni autem nostri anno primo.

(Eredetie bőrhártyán, melyről a királyi pecsétnek töredéke barna-vörös selyemzsinóron függ; a budai kir. kamarai levéltárban.)