Nos Jacobus Maior Ville et tota Communitas Ciuitatis de Bihig ad vniuersorum noticiam uolumus peruenire, quod nos cum venerabili patre domino M(atheo) venerabili Abbate de Toplica, de beneplacito suo et nostro communi consilio et assensu talem inter nos et ipsum ordinauimus composicionem, ut ipse nullum de nostris iobagionibus de Veliho ad suum Districtum in Crala recipiat, et nos e conuerso nullum equidem de suis iobagionibus de Crala ad nostrum Districtum de Veliho, auctoritate presentis ordinacionis recipere presumimus. Quod si pars alterutra ordinacionem istam aliquatenus in recipiendo alterius partis iobagionem infringere presumpserit, ex vi presentis satuti ipsum iobagionem cum rebus ablatis cum judicio duplici aduerse parti restituere teneatur. Datum in Bihig anno Domini MCCLXXI.

(Eredetie bőrhártyán, a budai kir. kamarai levéltárnak Zágrábban lévő részében.)