MCCLXII. die VII. Januarij. Comes Stepicius de Ceptina et sui consanguinei Vulcepta filius Preiuslaui, et Predislauus 67filius Qualimeri de Ceptina ex una parte; et dominus Elias filius Radouani Volchenza de Sibenico nomine Communitatus Scibenico, et domini Dessa Amblasij, Luca Petri et Lomprus Jacobi Judices Ciuitatus Tragurij nomine Communitatis Tragurij ex altera, ad tale pactum et concordiam insimul peruenerunt, videlicet: Quod si aliquis de Ceptina dampnum dederit alicui de Tragurio vel de Sibenico, et eum percusserit, et si in eum sanguinem fecerit, et ille qui percussus fuerit notificauerit hominibus quos inuenerit veniendo per viam, et notificauerit sue Curie; detur ei credencia, et sibi credatur; et ille, qui eum percusserit, et sibi damum dederit, teneatur et debeat dictum damnum emendare; et si emendare non poterit, tradatur personaliter illi, cui dampnum datum fuerit, et percussus fuerit. Et e conuerso, si aliquis de Tragurio, vel de Sibenico dampnum dederit alicui de Ceptina, et eum percusserit, et in eum sanguinem fecerit; et ille, qui percussus fuerit, notificauerit hominibus quos inuenerit eundo per viam, et notificauerit sue Curie, detur ei eredencia, et sibi credatur; et ille, qui eum percusserit, teneatur et debeat dictum damnum emendare; et si emendare non poterit, tradatur et detur personaliter illi, cui dampnum datum fuerit, et percussus fuerit. Et si aliquis de Ceptina, vel de Scibenico, vel de Tragurio, qui dixerit se percussum esse, et in eum sanguinem factam fuisse, et sibi dampnum datum esse, postea aliquo tempore inuentus fuerit, et sciri poterit, quod maliciose dixerit, et pecijt quod pecijt, teneatur solvere duplum de eo, quod accepit pro damno, illi a quo accepit emendam damni. Que quidem omnia et singula suprascripta predicti Comes Stepcus Vulcepta filius Preuislaui, et Predislaus filius Qualimeri pro se et omnibus hominibus de Ceptina ex una parte; et predicti Elias et Volcheusa nomine dicte Communitatis Sibenici et pro ipsa Communitate; et predicti Judices Ciuitatis Tragurii pro dicta Communitate Tragurij ex altera ad inuicem alter alteri promiserunt, et corporaliter ad Sancta Dei Euangelia iurarunt firma et rata habere.

Die dicta. Domini Stepcus filius Stancij, et Juannes filius Boghidani Judices de Chlissza ex una parte nomine Communitatis Chlissze; et Elias filius Radouani, et Volchesza de Scibenico nomine Ciuitatis Sibenici; et domini Judices 68Ciuitatis Tragurij nomine Communitatis Tragurij ex altera ad tale pactum etc. ut in Superiori.

Actum in Ciuitate Tragurij in ecclesia Sancte Marine presentibus dominis Zancia Casotti, Marino de Casariza, Georgio de Cega, et Mauro Stoche, et Duymo Domiche, et alijs pluribus testibus, et Stefano Marini Ruge Examinatore.

(Trau város jegyzőkönyvéből Lucius, Memorie Storiche di Trau 86. l.)