Nos Salomon Comes Albensis memorie commendamus significantes vniuersis, quod cum nos Seel et Nycolaum filios Emeryci super terra Castri Albensis Regum uocata residentes, que quidem terra est in valle Kuaza, ad nostram presenciam fecissemus euocari, uolentes scire et experiri, quibus racionibus mediantibus eandem terram dicti Nycolaus et Seel possident: ipsi Nycolaus et Seel exhibuerunt nobis litteras domini L. illustris Regis Hungarie benefactoris domini nostri, in quibus nidimus contineri, quod eosdem Seel et Nycolaum racione eiusdem terre non deberemus molestare. Exhibuerunt eciam priuilegium Bele Regis pie memorie, et priuilegium felicis recordacionis Regis Stephani super collacione et donacione dicte terre confecta. Quibus visis eandem terram predictis Nycolao et Seel permisimus pacifice et quiete possidendam; promittentes eisdem data fide, quod donec Comes Albensis fuerimus, nec nos ipsos Nycolaum et Seel molestabimus, nec per Curialem comitem nostrum, nec ociam per iobagiones predicti Castri faciemus molestari racione terre supradicte. Datum Albe anno Domini MşCCş septuagesimo secundo.

(Eredetie bőrhártyán, a hátul oda nyomott pecsét elveszett; a budai kir. kamarai levéltárban. V. ö. Okmánytárunk VIII. vagyis a második folyam 3. kötetét 414. l.)