Ladizlaus Dei gracia Hungarie, Dalmacie, Croacie, Rame, Seruie, Gallicie, Lodomerie, Cumanie Bulgarieque Rex omnibus presens scriptum inspecturis salutem in omnium saluatore. Ad vniuersorum noticiam tam presencium quam posterorum tenore presencium volumus peruenire, quod Nicolaus et Jacobus filij Comitis Jacobi de genere Nempty a primeuis sue puericie temporibus domino condam Regi Stephano inclite recordacionis karissimo patri nostro et nobis in diuersis Regni nostri expedicionibus, et specialiter in exercitu nostro, quem contra Regem habuimus Bohemorum inimicum nostrum capitalem fideliter obsequiosa seruicia et fideles famulatus impendere studuissent, per que ex munificencia Regia non inmerito fuerant attollendi. Nos qui ex officio suscepti regiminis metiri debemus merita singulorum, vt alij exemplo huiusmodi ad fidelitatis opera forcius accendantur; in recompensacionem 78seruiciorum dictorum Nicolai et Jacobi, volentes Regie remuneracionis beneficio respondere, quandam terram Castri nostri Koazdi Vayzlo vocatam in Barana existentem, cum omnibus vtilitatibus suis, quamquam in maioribus eisdem prouidere deberemus, de consensu omnium Baronum nostrorum dedimus, donauimus et contulimus eisdem Nicolao et Jacobo iure perpetuo et irreuocabiliter possidendam pariter et habendam, in eisdem metis et terminis, quibus tempore parentum vel auunculorum nostrorum dinoscuntur possedisse; volentes ut tam idem Nicolaus et Jacobus, quam sui heredes heredumque suorum in posterum successores, eandem terram perpetuo possideant pacifice et quiete. In cuius terre corporalem possessionem per Stephanum filium Isyp hominem nostrum sub testimonio Conuentus Monasterij (Pécs) Varadyensis fecimus introduci nullo contradictore apparente; prout in litteris eiusdem Conuentus nobis constitit euidenter. Vt igitur huius nostre collacionis series robur optineat perpetue firmitatis, nec in posterum per quempiam retractari valeat aut in irritum quomodolibet reuocari, presentes eisdem concessimus litteras dupplicis sigilli nostri munimine roboratas. Datum per manus Magistri Benedicti Orodyensis Ecclesie Prepositi aule nostre ViceCancellarij dilecti et fidelis nostri anno Domini Mş ducentesimo LXXş tercio Regni autem nostri anno secundo. Metropolitana Sede Strigoniensi vacante; venerabilibus patribus Stephano Colocensi et Johanne Spalatensi Archiepiscopis; Lamperto Agriensi, Briccio Chanadiensi, Job Quinqueecclesiensi, Phylippo Vacyensi, Paulo Vesprimiensi aule nostre Cancellario, Lodomerio Waradiensi, Tymotheo Zagrabiensi, Dyonisio Jauriensi et Petro Transsiluano Episcopis Ecclesias Dei feliciter gubernantibus; Lorando Palatino, Herrieo Bano tocius Sclauonie, Nicolao Voyuada Transsiluano Comite de Zonuk, Egidio Bano do Machou et de Bozna, Paulo Bano de Zeurino, Joachino Magistro Tauernicorum nostrorum, Renoldo Magistro Dapiferorum nostrorum Comite Zulgageuriensi, Vgrino Magistro Agasonum nostrorum Comite Sirymiensi, Laurencio Magistro Pincernarum nostrorum Comite de Keue et de Brassu (helyesebben Karassu), Johanne Comite Supruniensi, Gregorio Comite Castri Ferrei, Moyus Comite Symigiensi, Dedalo Comite Zaladiensi, 79Mychaele Comite Nitriensi, et alijs quam pluribus Comitatus Regni nostri tenentibus et honores.

(Garai Miklós nádornak 1384-ki itélőleveléből, a budai kir. kamarai levéltárában.)