Ladizlaus Dei gracia Hungarie, Dalmacie, Crowacie, Rame, Seruie, Gallicie, Lodomerie, Cumanie Bulgarieque Rex omnibus Christi fidelibus, ad quos presens pagina peruenerit, salutem in vero salutari. Regalis magnificencie apex per uirtutum 106radices eo fecundius parturit incrementum, quo vberius suorum fidelium remunerat famulatum. Hinc est, quod vniuersorum noticie volumus fieri manifestum, quod uobilis vir Magister Thomas filius Magistri Gabrielis fidelis noster ad Nostre Serenitatis auedens presenciam, petiuit a nobis humiliter supplicando, quod nos terram Holmy vocatam in Comitatu de Vgucha, ad nostram collacionem pertinentem terre sue Kukynus nuncupate vicinam et contiguam, quam eidem iam dudum contulisse noscimur, nostri dignaremur priuilegij patrocinio roborare pariter et conferre. Nos siquidem, qui ex officij nostri debito vniuscuiusque fidelitatibus tenemur votiuis occurrere remedijs, ipsius Magistri Thome meritoria obsequia innumerasque fidelitates, que et quas in diuersis Regni nostri expedicionibus a primeuis, sue puericie temporibus laudabiliter inpendit, in memoriam reuocantes, presertimque eiusdem miliciam, quam nostro tempore sub castro Lowa contra hostilem Regis Boemie turmam facie ad faciem dimicando triumphaliter exercuit, iusto cordis libramine recensentes, ut eundem de strenuo reddamus magis strenuum atque promptum, quod et alij hoc pretextu ad fidelitatis opera reddantur prompciores; predictam terram nostram Holmy uocatam, cum omnibus vtilitatibus et pertiencijs suis, sicut hactenus iusto titulo mediante possessa extitit, dedimus, donauimus, contulimus et concessimus ipsi Magistro Thome, ac per eum suis heredibus heredumque suorum successoribus iure perpetuo pacifice possidendam. Et ad maiorem cautelam in corporalem possessionem dicte terre per Nycola - - de Vgucha fidelem nostrum fecimus introduci contradictore nemine apparente. Vt igitur huiusmodi nostre collacionis series robur perpetue optineat firmitatis, nec processu temporum in irritum valeat reuocari, presentes concessimus litteras duplicis sigilli nostri munimine roboratas. Datum per manus venerabilis viri Magistri Benedicti Sancte Strigoniensis Ecclesie Electi Perpetuique Comitis loci eiusdem, Prepositi Budensis, aule nostre ViceCancellarij, dilecti et fidelis nostri anno Domini MşCCşLXXş quarto, Regni autem nostri anno secundo. Venerabilibus patribus Stephano Colocensi et Johanne Spalatensi Archiepiscopis; Lamperto Agriensi, Briccio Chenadiensi, Jaub Quinqueecclesiensi, Philippo Waciensi aule karissime consortis 107nostre Cancellario, Paulo Vesprimiensi aule nostre Cancellario,Lodomerio Waradiensi, Thymotheo Zagrabiensi, Dyonisio Jauriens et Petro Transsiluano Episcopis Ecclesias Dei feliciter gubernantibus. Dyonisio Palatino, Comite de Ocl uch, Judice Cumanorum; Henrico Bano tocius Sclauonie; Nycolao Voyuoda Transsiluano Comite de Zounuk; Iwachino Magistro Tauarnicorum nostrorum Comite de Plys; Moys Magistro Tauarnicorum domine Regine karissime consortis nostre, Comite Symigiensi; Nycolao Judice Curie nostre, Comite de Guechke; Paulo Bano de Zeurino, Johanne Comite Supruniensi; Herbordo Magistro Agasonum nostrorum Comite de Barana; Reynoldo Magistro Dapiferorum nostrorum, Comite Zulgageuriensi, Dedalo Comite Zaladiensi, Gregorio Comite Castri Ferrei; Jacobo Comite Nytriensi, Ochuz Comite Vesprimiensi et alijs quam pluribus Comitatus Regni tenentibus et honores.

(Eredetie bőrhártyán, melynek pecsétje elveszett, a budai kir. kamarai levéltárban.)