Ladizlaus Dei gracia Hungarie, Dalmacie, Croacie, Rame, Seruie, Gallicie, Lodomerie, Cumanie, Bulgarieque Rex vniuersis Christi fidelibus presens scriptum inspecturis salutem in omnium saluatore. Juri consonat, nec preiudicat equitati, quod Regie fideliter Mayestati famulantes condigne remuneracionis priuilegio gaudeant et fruantur. Proinde ad vniuersorum niticiam harum serie volumus peruenire, quod nobilis vir Magister Thomas filius Magistri Gabrielis fidelis noster ad nostram accedens presenciam a nobis humiliter 108postulauit, ut nos terram Kukynus vocatam in Comitatu de Vgucha existentem, quam pro multiplicibus eiusdem meritorijs servicijs in Feketewholm fideliter impensis eidem dominis karissimus pater noster pie recordacionis suo priuilegio contulisse noscitur, eamque usque ad hec tempora pacifice possedit et possidet sine detrimento iuris cuiuslibet, eidem et suis heredibus de nostro fauore Regio liberaliter relinquere, ymoque conferre deuocius dignaremur. Nos siquidem, qui Diuina fauente gracia pro suscepti regiminis nostri officio singulorum merita tenemur recompensare ex debito, gratuita seruicia indefessasque fidelitates eiusdem Magistri Thome, que et quas a primeuis puericie temporibus per temporum curricula in diuersis Regni expedicionibus viriliter impendere curauit, et in futurum impendere non desinit, in memoriam reuocantes, paternamque concessionem in hac parte legitime factam irritare nullatenus cupientes, ymo pocius admissionis gracia solidantes; predictam terram Kukynus cum omnibus vtilitatibus et attinencijs suis, sicut per priores limitaciones et terminos nemini preiudicante possessa extitit, de Regie specialis gracie benignitate, prout in priuilegio eiusdem karissimi patris nostri plenius continetur, reliquimus, permisimus, contulimus et concessimus ipsi Magistro Thome, ac per eum suis heredibus heredumque successoribus ad habendum iure perpetuo pariter et possidendum; volentes et regaliter concedentes, quod a modo eundem et suos heredes super premissa terra nullus omnino inquietare debeat uel presumpmat contra formam iusticie euidentis. Vt igitur hec nostra concessio seu admissio super paterna collacione rite habita processu temporum perseueret inconcussa, in euidens rei testimonium presentes concessimus litteras duplicis sigilli nostri munimine roboratas. Datum per manus venerabilis viri Magistri Benedicti Sancte Strigoniensis Ecclesie Electi, Perpetuique Comitis eiusdem loci, Prepositi Budeensis, aule Regie ViceCancellarij dilecti et fidelis nostri anno Domini MşCCşLXXş quarto, Regni autem nostri anno secundo. Venerabilibus patribus Stephano Colocensi et Johanne Spalatensi Archiepiscopis; Lamperto Agriensi, Briccio Chenadiensi, Joub Quinqueecclesiensi, Phylippo Waciensi aule domine Regine karissime consortis nostre Cancellario, Paulo Vesprimiensi aule nostre Cancellario, 109Lodomerio Waradiensi, Tymotheo Zagrabiensi, Dyonisio Jauriensi et Petro Transiluano Episcopis Ecclesias Dei feliciter gubernantibus. Dyonisio Palatino, Comite de Ocluch, Judice Cumanorum; Henrico Bano tocius Sclauonie; Nycolao Voyuoda Transiluano Comite de Zounuk; Iwancho Magistro Tauarnicorum nostrorum Comite de Plys; Moys Magistro Tauarnicorum domine Regine karissime consortis nostre; Nycolao Judice Curie nostre Comite de Guechke; Paulo Bano de Zeurino, Johanne Comite Supruniensi, Herbordo Magistro Agasonum nostrorum, Comite de Barana; Reynoldo Magistro Dapiferorum nostrorum Comite de Zulgageuriensi, Dedalo Comite Zaladiensi, Gregorio Comite Castri Ferrei, Jacobo Comite Nytriensi, Ochwz Comite Vesprimiensi, et alijs quampluribus Comitatus Regni tenentibus et honores.

(Eredetie bőrhártyán, melynek zöld selyemzsinóron függött pecsétje elveszett, a budai kir. kamarai levéltárban.)