Nos Ladizlaus Dei gracia Rex Vngarie memorie commendantes significamus tenore presencium universis, quod consideratis eximiis fidelitatibus Magistri Gerardi, fidelis et intimi phisici nostri, quas idem circa recuperacionem sanitatis nostri regii corporis, medente altissimo, fideliter exercuit, quandam terram nostram, que terra Castri Zagrabiensis Tornawa vocata, prope Zagrabiam, cum villa Karalicha vocata, existenti in eadem, omni contradiccionis questione remota, prout apud Castrum fore dinoscitur, ipsi Magistro Gerardo perpetui duximus conferendam. Promittentes ut cum circumstancias eiusdem terre Capitulum Zagrabiense nobis rescripserit, nos dictam terram eidem mediante vigore nostri privilegii ob evidencius argumentum perpetualiter conferemus. Datum in Lypcha, in festo Assumpcionis Virginia Gloriose.

(Tkalcsics, Monumenta. hist. Episcopatus Zagrabiensis I. köt. 172. lap.)