Ladizlaus Dei gracia Hungarie, Dalmacie, Croacie, Rame, Seruie, Gallicie, Lodomerie, Comanie, Bulgarieque Rex omnibus Christi fidelibus presentes litteras intuentibus salutem in omnium salvatore. Ad universorum noticiam tenore presencium volumus pervenire, quod gratam fidelitatem et commendabilia merita circumspecte providencie viri, Magistri Gerardi, Artis Medicine Professoris, fidelis phisici nostri, quibus coram nostris et predecessorum nostrorum Bele videlicet avi nostri, et Stephani genitoris nostri, domi norum, olim illustrium Regum Hungarie, occulis meruit multipliciter conplacere, nostrum et eorundem corpora in adoptate sanitatis statu conservando per tempora longiora. Attendentes, revocantesque in animum, qualiter idem Magister Gerardus per exercitate sollicitudinis sue fidam opracionem, nos auxiliante Domino de gravi egritudinis articulo, ubi de vita nostra poterat merito dubitari, pristine restituit sanitati. Nos in aliqualem remuneracionem tot et tantorum meritorum suorum, ex certa sciencia et mera liberalitate, de Baronum nostrorum nichilominus consilió et consensu, contulimus eidem Magistro Gerardo quandam terram Castri Zagrabiensis, Tornowa vocatam, cum omnibus suis utilitatibus et pertienciis universis, terris videlicet cultis et incultis, vineis, silvis, nemoribus, aquis, pratis, fenilibus, ab ipso Zagrabiensi Castro exceptam penitus et exemptam, per eum et per suos heredes heredumque suorum in posterum successores inrevocabiliter perpetuo pacifice possidendam, eam sibi per Dyonisium Comitem, tunc Banum tocius Sclauonie, nullo contradictore apparente, sicut id eiusdem Bani littere declarabant, assignari facienda. Volentes et presenti ediccione perpetuo duratura statuentes, ut tam ipse Magister Gerardus, quam eius posteri, terram eandem in metis prioribus et antiquis terminorum distinccionibus sine inquietacione quorumlibet perpetuo possidere valeant et habere. Ut igitur huius nostra collacionis series robur obtineat perpetue firmitatis, nec processu temporum valcat per quempiam retractari, aut in irritum quomodolibet revocari, presentes eidem Magistro Gerardo conessimus litteras duplicis sigilli nostri munimine roboratas. Datum per manus Magistri Benedicti, Sancte Strigoniensis Ecclesie Electi eiusdemque loci Comitis Perpetui, Prepositi Budensis et aule regie Vicecancellarii, dilecti et fidelis nostri, anno Domini MCCLXX quindo, IX. kalendas Aprilis Regni autem nostri anno tercio. Venerabilibus patribus Stephano Colocensi et Johanne Spalatensi Archiepiscopis, Philippo Waciensi aule domine Regine consortis nostre karissime Cancellario, Job Quinqueecclesiensi, Wesprimiensi Sede vacante, Thimotheo Zagrabiensi, Dionisio Jauriensi et Petro Transsiluano Episcopis, Ecclesias Dei feliciter gubernantibus. Rolando Palatino Judice Comanorum, Vgrino Bano de Zeurino, Thoma filio Chelley Judice Curie nostre Comite Posoniensi, Egidio Magistro Tawarnicorum, Nicolao Magistro Dapiferorum Comite Musuniensi, Chepano Magistro Pincernarum, Petro Magistro Agazonum nostrorum, Moys Magistro Tavarnicorum domine Regine consortis nostre karissime, Herrando Magistro Dapiferorum eiusdem domine Regine Comite Zaladiensi, Mateo Woywoda Transiluano Comite de Zonuk, Petro Comite Supruniensi et Symigiensi, Magistro Stephano Comite Wesprimiensi, et aliis quam pluribus Comitatus Regni nostri tenentibus et honores.

(Tkalcsics, Monum. historica Episc. Zagrabiensis I. köt. 174. l.)