Ladizlaus Dei gracia Hungarie, Dalmacie, Croacie, Rame, Seruie, Galicie, Lodomerie, Bulgarie Comanieque Rex vniuersis Christi fidelibus presentibus et futuris presencium noticiam habituris salutem in salutis largitore. Vniuersitatis vestre noticie tenore presencium declaramus, quod accedens ad nostre Maiestatis presenciam Alexander filius Zoth de Agar dilectus et fidelis noster, exhibuit nobis litteras Capituli Nitriensis, petens cum instancia, vt ipsas rescribi et in priuilegium redigi faceremus. Quarum quidem litterarum tenor talis est:

Excellentisimo domino eorum Ladizlao D. gr. illustri stb. (következik a nyitrai káptalannak jelentése, mint alább 111. sz. a.)

Nos igitur peticionibus dicti Alexandri dilecti et fidelis nostri ex benignitate Regia, ut tenemur, annuentes, predictas litteras nos abrasas, non cancellatas, nec in aliquo viciatas, de uerbo ad uerbum rescribi et in formam priuilegij redigi fecimus, dupplicis sigilli nostri apensione roborando. Datum per manus discreti viri Magistri Benedicti Sancte Strigoniensis Ecclesie Electi eiusdemque loci Comitis perpetui Prepositi Budensis, aule nostre ViceCancellarij dilecti et fidelis nostri anno Domini MşCCşLXXş quarto, Regni autem nostri anno tercio. Venerabilibus patribus St(ephano) Colocensis et Johanne Spalatensis Ecclesiarum Archiepiscopis; Lamperto Agriensi, Briccio Chanadiensi, Job Quinqueecclesiensi, Paulo Wesprimiensi aule nostre Cancellario; Philipo Wachiensi aule domine Regine consortis nostre karissime Cancellario, Lodomerio Waradiensi, Tymotheo Zagrabiensi, Dyonisio Jauriensi, Petro Transsiluano Episcopis, Ecclesias Dei feliciter gubernantibus. Dyonisio Palatino Comite de Occlych et Judice Comanorum; Vgrino Bano de Zeurino; Herbordo Magistro Dapiferorum nostrorum Comite de Barania; Laurencio Comite Supruniensi, Gregorio Comite Castri Ferrei; Moys Magistro Thauarnicorum domine Regine consortis nostre karissime Comite Symmigiensi, Jacobo Comite Nitriensi, et alijs quam pluribus Comitatus Regni tenentibus et honores.

(Eredeti bőrhártyán, melyről a pecsétnek töredéke vörös-zöld selyemzsinóron függ; a budai kir. kamarai levéltárban.)